Jean 9:16 - Mbede Lə Luba Kone Gə Sigi

¹⁶ Horo Parijiyɛ̰je gə le, nje gə naaje ꞌpa na: Dəw gə nee le ḭ rɔ Luba ang baa, mba n-ila kuji dɔ ndɔ kuwa kɔr gə ang. Nje gə ɗangə ꞌpa na: Dəw gə njeneɗa gə kṵra̰y a ɗa ban ɓa a kasə ɗa netɔjije gə to gə be wa? Ɗaa kay naa ɗe to horo-je gə

Testament ke Siki 1960 (Kabba Laka)

¹⁶ Tokou ban maredjé horo Pharisiendjé té pana, Doou nèn ï rò Allah té ang, mbata nè ngem ndò sabbat ang. Maredjé pana, Doou ke ndjè né da ke madjang ase ta da né mori ke nè nda to di wa? Tokou ban tar tina ï horodè té.

Jean 9:16 ပူးပေါင်းရင်းမြစ်များ

Matiye 12:10

Ɗaa dəw gə ji-a uy ga̰ kəne, ɗaa ꞌdəji Jeju na: Ɗəw to kəm kaji dəw ndɔ kuwa kɔr gə wa? ꞌDəji be mba kinga ne ɗəw kila ne tar dɔ-ɛ gə.

Matiye 12:2

Parijiyɛ̰je d-o ɗaa ꞌpa d-ar-ɛ na: O, ngan njenendoje lə-i ꞌɗa ne gə to kəm ɗa ndɔ kuwa kɔr gə ang.

Lugu 13:14

Ngaa, mə njeko̰ dɔ kəy nendo o̰-ɛ dɔ Jeju gə ɔji dɔ kaji gə aji jene gə ndɔ kuwa kɔr. Be ɓa, n-pa n-ar bula dəwje na: Ndɔ gə kar ꞌɗaje kula kəne ḭ misa̰, ꞌɗeje gə ndɔ-ɛ nee ar-je d-aji-si, ɓo gə ndɔ kuwa kɔr ang.

Jean 10:19

Kay naa təl to horo Jiibije gə ɔji dɔ tarje gə nee le tɔ.

Jean 14:11

ꞌTaje kagə-m, m-to mə Bɔ dəwje ngaɓa Bɔ dəwje kara to mə-m ꞌma gə tɔ; be ang kara ꞌtaje kagə mba kulaje nee le.

Jean 15:24

To gə ɓo kulaje gə dəw gə ɗangə kara asə ɗa ang nee le m-ɗa horo-je gə ang nama tar neɗa gə kṵra̰y a kuwa dɔ-je ang; ne ɓisine gə d-o gə kəm-je nda̰-nda̰ nee ja cibi ɓa d-aw ꞌndɔɔl-m ꞌma je gə bɔy dɔ-je gə kede-kede.

Jean 2:11

Ye gə nee ɓa to gə kun kudu netɔjije gə Jeju ɗa mə ɓe gə Kana, dɔ nangə gə Galile. Jeju tɔji rɔnduba lə-a gə ɗaga, ɗaa ngan njenendoje lə-a ꞌta ne kag-ɛ.

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Jean 5:10

To gə be ɓa Jiibije ꞌpa d-ar dəw gə aji le na: Dəw un ɗəw ar-i mba kar-i un tuwa lə-i odo gə ndɔ kuwa kɔr ang.

Jean 5:36

Ngaa tar naji lə-m ꞌma to ɓəəl ya̰ unda kar Ja̰: Kulaje gə Bɔy um ji-m gə mba kar-m m-ɗa le, m-ɗa m-tɔl t-ɛ bɛm. Kulaje gə m-ɗa nee le ja ɗa tar naji lə-m to gə Bɔ dəwje ula-m.

Jean 6:52

Jiibije ꞌmay tar gə singa-je horo naa gə na: Dəw gə nee a kar-si darɔ-ɛ j-usa to gə ban wa?

Jean 7:12

Dan bula dəwje gə le, ꞌma̰y naa tar ya̰ ɔji dɔ-ɛ; nje gə kɛm ꞌpa na: N-to gə dəw gə may. Ngaa nje gə ɗangə tɔ ɗaa ꞌpa ꞌcila ne kəm nje gə ɓe kara na: N-to nje kərə bula dəwje kar-je ꞌndəm.

Jean 7:23

To gə ɓo dəw ar d-unja bər-e ndɔ kuwa kɔr gə nama, Torondu le Moyiji le ye al dɔ-ɛ ang, ngaa mba ɗi ɓa wungu lə-sisəy ḭ gə si pu-pu dɔ-m gə mba kaji gə m-aji dəw ndɔ kuwa kɔr gə m-ar rɔ-ɛ may pɛdə wa?

Jean 7:43

Be ɓa kay naa to horo bula dəwje gə mba tar lə-a.

Jean 9:24

Parijiyɛ̰je ꞌɓar nje kəm tɔ le gə gɔl joo lə-a ɗaa ꞌpa d-ar-ɛ na: Ɔsə gaji Luba! Sijee j-a gərə to gə dəw gə nee le to gə njeneɗa gə kṵra̰y

Koula 14:4

Bula dəwje ꞌkay naa dana mə ɓebo gə: nje gə nee d-oso gəl Jiibije gə, nje gə kən d-oso gəl njeka̰ykulaje gə tɔ.