Jean 8:55 - Mbede Lə Luba Kone Gə Sigi

⁵⁵ Ɗaa sisəy ꞌgər-eje ang, ꞌma ɗaa m-gər-e. A to gə ɓo m-pa na m-gər-e ang nama m-a to njetar gə ɗəgərə to gə sisəy be. Ngaa m-gər-e ngaɓa m-ngom tar lə-a nəm tɔ.

Testament ke Siki 1960 (Kabba Laka)

⁵⁵ A sésè egerèdjé ang, mam ngerè. Tokou bo ma mpana mam ngerè ang, ma ma to ndjè kere ngem deo kadaba kesè, mam ngerè, ke mam ngem tar la.

Jean 8:55 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:15

ɗəw kara baa to gə Bɔ dəwje gərə-m ꞌma ngaɓa ꞌma kara m-gərə Bɔ dəwje tɔ; ɗaa m-ḭya̰ rɔ-m m-ar yo mba badəmje lə-m.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Jean 15:21

Be ɓa neje tɔ̰y nee le d-a ɗa gə si ɔji dɔ ri-m mba ꞌgərə dəw gə njekula-m le ang.

Jean 16:3

D-a ɗa ne nee le to gə be mba ꞌgərə Bɔ dəwje ang nəm ꞌgərə-m ꞌma ang nəm tɔ.

Jean 17:25

ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Jean 6:46

Dəw kara kara o Bɔ dəwje gə kəm-e ang, be ang nama, ye gə nje kḭ Luba gə le ja baa. ꞌNe gə nee le ɓa n-o Bɔ dəwje gə kəm-e.

Jean 8:19

To gə be ɓa ꞌdəji-e na: Bɔ-ije ga̰ ɗa wa? Jeju ila kəne na: ꞌMa kara ꞌgərə-mje ang nəm Bɔy kara ꞌgər-eje ang nəm tɔ. To gə ɓo ꞌgərə-mje nama Bɔy kara a gər-eje tɔ.

Jean 8:29

Dəw gə njekula-m le ga̰ sə-m naa gə, n-ḭya̰-m gə kar-m ang, mba ꞌma m-ɗa ne gə ta kəm-e ja jaga-jaga.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Jean 8:52

Be ɓa Jiibije ꞌpa d-ar-ɛ na: Ɓisine j-a gərə to gə njil gə kṵra̰y ula gərəng mə-i gə. Abəraham uy ngaɓa pajambərəje kara nəm tɔ, ɗaa ꞌI, ꞌpa na: To gə ɓo dəw um m-e dɔ-m gə nama a ko yo gə kəm-e ang ja saar!

Koula 17:23

Mba logə m-aw nday ɗaa m-o neje gə aw poloje ngaɓa m-inga no kɔgə kara d-unja ne kəne na: Kar magə gə dəw gər-e ang. Ne gə ꞌgər-eje ang gə ꞌpolo-eje nee le ɓa m-aw m-pa tar-ɛ m-ar-si.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

1 Jean 1:6

To gə ɓo j-a paje na j-a ɗa sə-a mə kara, ngaɓa j-a nja dan cil ciməri gə nama, j-a toje njeɗəgərəje cibi ɓa j-a njaje mə tar gə tɔgərɔ gə ang baa.

1 Jean 2:22

Na ɓa to nje ɗəgərə wa? Dəw gə nje ma̰y to gə Jeju to Kirisi ang. Dəb-e nee le to nje kəm tar lə Kirisi, ꞌne gə n-ma̰y to gə n-gərə Luba gə Bɔ gə Ngon.

1 Jean 2:4

Dəw pa na: M-gər-e, ngaɓa ngom ndu-e ang nama, dəb-e nee le to nje ɗəgərə, cibi tar gə tɔgərɔ godo m-e gə.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.

Apocalypse 3:9

A o, m-ar-i dəwje gə kəy nendo gə lə ꞌSu, dəwje gə ꞌɗa rɔ-je gə Jiibije, ngaa ꞌto Jiibije ang baa, ꞌto nje pa tar gə ɗəgərəje. O, m-a kar-je ꞌɗe d-um məkəji-je nangə no gɔl-i gə, ngaɓa d-a gərə to gə m-ɓol-i.