Jean 8:44 - Mbede Lə Luba Kone Gə Sigi

⁴⁴ Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Testament ke Siki 1960 (Kabba Laka)

⁴⁴ Sésè etoidjé ngä bòsésè Satan, a edaidjé boo lo bòsésè. Nè nto ndjè toï doou leo dongor, nè nisi ke tar ke tokoro ang, mbata tar ke tokoro to mèa té ngadji ang. Tokou nere ngem nè mpa tar la ndja, mbata nè nto ndjè ngem ke bo ngem.

Jean 8:44 ပူးပေါင်းရင်းမြစ်များ

Matiye 12:34

Sisəy gə mə-si kṵra̰y nee le, ꞌto to-je gə kondɔtɔl be, tar gə may a ce ta-si gə to gə ban wa? Ye gə ɗusu mə-si ja ɓa ce ta-si gə.

Matiye 13:15

Mba mə dəw mə ɓeje nee le təl kədərə D-udu mbi-je jigi, ngaɓa ꞌɓiri kəmje mbḭ, Na d-a kḭ ko gə kəm-je ngaɓa gə mbi-je, Mba gərə gəl-e dɔ ɓəngərə-je gə, Ɗaa d-a mbəl kəji lə-je mba kar m-aji-je ne .

Matiye 13:38

ndɔ le to dɔ nangə, kandə ko gə may to nganje gə ɓeko̰ to ɔji dɔ-je; waa da̰w to ngan lə njekundagusu;

Jean 6:70

Jeju ila-je kəne na: Sisəy gə dɔg gə gir-si gə joo le, ꞌma ja ɓa m-mbərə-si ang wa? Ngaa dəw kara horo-si gə to ꞌSɛ̰ngərɛ̰.

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Jean 8:38

ꞌMa le, ne gə m-o gə kəm rɔ Bɔ dəwje gə ɓa m-pa tar-ɛ, sisəy kara, ꞌɗaje neje gə ꞌtugaje mbi-si oje ne ta bɔ-sijee gə tɔ.

Jean 8:41

Sisəy le ꞌɗaje kula ɗaje lə bɔ-sijee. D-ila-a kəne na: Sijee le, ꞌɗa kaya ɓa d-uji ne si ang. Luba ja gə kar-ɛ baa to Bɔ-sijee.

Jean 8:55

Ɗaa sisəy ꞌgər-eje ang, ꞌma ɗaa m-gər-e. A to gə ɓo m-pa na m-gər-e ang nama m-a to njetar gə ɗəgərə to gə sisəy be. Ngaa m-gər-e ngaɓa m-ngom tar lə-a nəm tɔ.

Koula 13:10

ngaɓa pa na: ꞋI gə tar kərə gə məngo̰y ɗusu mə-i njḭ, ngon lə ꞌSɛ̰ngərɛ̰, njeba̰a̰ lə neɗa gə gadə-gadə tɔ̰y, kuwa tar gə tɔgərɔ lə Mbayɓe ndṵrḭ le a kunda ngang-ɛ ang gə no ja wa?

Koula 24:9

Jiibije tɔ̰y ꞌnjigi go tar gə nee le ja tɔ, to gə neje nee le to to gə bənəng ja.

Koula 5:3

Be ɓa Piyɛr pa ar Ananiyas na: Mba ɗi ɓa ꞌSu ta mə-i ar-i ꞌpa tar gə ɗəgərə ar Njil Njerɔsangə ngaɓa ɔr dəbə lar lo le iya gə go ji-i wa?

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

2 Piyɛr 2:4

Mba to gə ɓo Luba ɔr kəm anjije gə ɗa neɗa gə kṵra̰y ang, ngaa ɔsə-je um-je dan cil ciməri gə mə buwa wəl gə sṵra̰ godo, ar ꞌto d-aw ꞌngina gangə tar,

1 Jean 1:8

To gə ɓo j-a pa na neɗa gə kṵra̰y lə-si godo nama, j-ərə rɔ-si baa ngaɓa tar gə tɔgərɔ godo mə-si gə.

1 Jean 2:21

M-ɗa mbede m-ar-si mba sisəy ꞌlalje tar gə tɔgərɔ ang baa, ngaa mba sisəy gərə tar gə tɔgərɔ, ngaɓa tar gə ɗəgərə ce mə tar gə tɔgərɔ gə ang.

1 Jean 2:4

Dəw pa na: M-gər-e, ngaɓa ngom ndu-e ang nama, dəb-e nee le to nje ɗəgərə, cibi tar gə tɔgərɔ godo m-e gə.

1 Jean 3:12

ɓo j-a ɗaje neɗa lə Ka̰yi gə to nje kar Njeməkṵra̰y gə tɔl ngon ko̰-ɛ ang. Ɗaa n-tɔl-ɛ mba ɗi ɓa wa? N-tɔl-ɛ mba kula ɗaje lə-a ꞌne gə kṵra̰y, ɗaa kar ngon ko̰-ɛ ɓa to gadə-gadə.

1 Jean 3:15

Dəw gə ɗa-ɗa gə njigi ngon ko̰-ɛ ang gə kɔrɔ to dəw gə nje tɔl dəw, ngaɓa sisəy ꞌgərəje som to gə dəw gə nje tɔl dəw le inga təbə gə, gə ndɔ gə ndɔ ang.

Jude 1:6

Cibi, anjije gə asə ngom singa gə d-inga ang, ɗaa d-iya̰ lokisije le, ꞌtɔ-je gə kula lar gə ngangə ꞌngom-je mə buwa gə ndul ngina ne ndɔ gangə tar gə boy.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.

Apocalypse 9:11

Mbay lə-je gə to gə anji gə mə buwa wəl gə, gə ri-a gə tar Ebərə na Abadon, ngaɓa gə tar gərɛk na Apoliyo̰ gə kɔr gəl-e na Nje tuji lo.