Jean 8:42 - Mbede Lə Luba Kone Gə Sigi

⁴² Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Testament ke Siki 1960 (Kabba Laka)

⁴² Jésus pa aredè, Tokou Allah to Bòsésè, a ndikimdjé, mbata ma mï rò Allah té. Mam ndé loou té nèn mbä, mbata mam ndé ke mem ba ang, a nè a noulam.

Jean 8:42 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 12:49

Mba ꞌma m-pa tar gə dɔ-m baa ang, ngaa Bɔ dəwje gə ula-m le ngaɓa unda tar ta-m kar-m pa le ye ja m-pa ɗaa m-pa.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 14:10

ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Jean 16:30

ɓisine ɗaa ja gərə to gə ꞌI le, ꞌgərə neje tɔ̰y ɗaa aw ndoo mba kar dəw kara dəji tar ang. Be ɓa, ja ta kag-i to gə ḭ rɔ Luba gə.

Jean 17:25

ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 3:17

Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Jean 5:43

ꞌMa m-ɗe gə ri Bɔ dəwje, ngaa sisəy ꞌmbadəje kuwa-mje gə rɔ-si gə. Dəw gə ɗangə gə ɗe gə ri-a ye ja ɗaa, nj-ɛ nee ɓa a kuwa-je gə rɔ-si gə.

Jean 8:14

Jeju ila-je kəne na: ꞌMa ja m-ɗa tar naji lə-m to gə tɔgərɔ ngaa, tar naji lə-m le to arə ngadə, mba m-gərə lo gə m-ḭ kəne ngaɓa lo gə m-aw gə kəne nəm tɔ. Kar-sisəy le, ꞌgərəje lo gə m-ḭ kəne ang nəm, lo gə m-aw gə kəne kara ꞌgərəje ang nəm tɔ.

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.