Jean 8:37 - Mbede Lə Luba Kone Gə Sigi

³⁷ M-gərə som to gə ꞌtoje gə ngan ka Abəraham ja, ngaa ꞌsangəje ɗəw mba tɔl-mje, mba tar lə-m ɗa be mə-si gə ang.

Testament ke Siki 1960 (Kabba Laka)

³⁷ Mam ngeré sésè etoidjé dooudjé ke gel Abraham té, a sésè esangidjé deo ta tòlem, mbata tar lom inga loou mèsè té ang.

Jean 8:37 ပူးပေါင်းရင်းမြစ်များ

Matiye 13:15

Mba mə dəw mə ɓeje nee le təl kədərə D-udu mbi-je jigi, ngaɓa ꞌɓiri kəmje mbḭ, Na d-a kḭ ko gə kəm-je ngaɓa gə mbi-je, Mba gərə gəl-e dɔ ɓəngərə-je gə, Ɗaa d-a mbəl kəji lə-je mba kar m-aji-je ne .

Matiye 3:9

Ɓo əw-je rɔ-si kunda-je mə-si na: Abəraham to ka-sijee! To gə be ɓa m-pa m-ar-si to gə ərje gə to nee ja kara Luba asə mba təl-je gə nganje kar Abəraham.

Jean 10:31

Jiibije d-odo kɔr ər to gə ɗangə mba cila-a ne.

Jean 11:53

Dɔ ndɔ-ɛ əng ja ɗaa, d-un ndu-je gə mba tɔl-ɛ.

Jean 5:44

Sisəy gə ilaje riɓar dɔ naa gə gə yo gə nee ngaɓa ꞌsangəje riɓar gə ḭ rɔ Luba gə ja gə kar-ɛ baa ang nee le, na ban ɓa a taje kagə-m wa?

Jean 7:1

Go-e gə ɗaa Jeju nja dɔ nangə gə Galile; n-njigi mba nja dɔ nangə gə Jude gə ang, mba Jiibije ꞌsangə ɗəw gə mba tɔl-ɛ.

Jean 7:19

Moyiji ar-sisəy Torondu le ang baa cibi wa? Be ja kara dəw kara gə nje ɗa ne kula godo: Mba ɗi ɓa ꞌsangəje ɗəw mba tɔl-mje wa?

Jean 7:25

Nje gə kɛm horo dəw mə ɓeje gə Jerujalɛm ꞌpa na: Ne gə d-aw ꞌsang-ɛ gə mba tɔl-ɛ le ja ɓa n-ar nee ang wa?

Jean 8:33

D-ila-a kəne na: Sijee j-a to ngan ka Abəraham ngaɓa dəw kara kara uwa-si ɓərə ang ja saar; na ban ɓa, ꞌI, ꞌpa na: Kula ɓərə a kɔr gɔbə-si gə wa?

Jean 8:43

Mba ɗi ɓa ꞌgərəje dɔ tar lə-m ang wa? Mba sisəy asəje mba tuga mbi-si ko ne tar lə-m ang.

Jean 8:56

Ka-sisəy Abəraham inga rɔləl unda ne m-e gə mba ko ndɔ ɗe lə-m: N-o ndɔ-ɛ le tɔ ɗaa, rɔ-ɛ ndɔɔ saw-saw.

Jean 8:59

Be ɓa d-odo kɔr ərje mba cila-a ne, ngaa Jeju lom rɔ-ɛ ce mə kəy gə lə Luba.

Jean 8:6

ꞌPa bənəng gə mba na ne m-e, ɓa gə mba kinga ne ɗəw kila ne tar dɔ-ɛ gə. Ngaa Jeju ɗugu nangə ɗaa aw tunja ne nangə gə ngaw ji-a.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Romaindjé 9:7

ngaɓa dəwje tɔ̰y gə d-uji-je gəl Abəraham gə le, ꞌto ngan-ɛ ja tɔ̰y ang; ngaa ꞌpa na: Ɗəw gə lə Ijagə ja gəl kuji dəwje bula d-a ce kəne ɗaa d-a ɓar-je gə ri-i

1 Corinthiendjé 2:14

Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le.

1 Jean 2:14

M-ɗa mbede m-ar-si, bɔ nganje, mba ꞌgərəje dəw gə isi lo kuma kudu neje gə ləw baa. M-ɗa mbede m-ar-si, basa̰je, mba uba-je singa ya̰, tar lə Luba uwa mə-si ar ꞌcɛdəje ne ɗɔ njeməndul.