Jean 8:28 - Mbede Lə Luba Kone Gə Sigi

²⁸ Be ɓa Jeju pa ar-je na: Ndɔ gə a kunje Ngon lə dəw kunda-aje taar ndode ɓa a gərəje to gə m-ga̰ ngaɓa m-ɗa ne gə dɔ-m baa ang: Ne gə Bɔ dəwje tɔji-m ja ɓa m-pa tar-ɛ.

Testament ke Siki 1960 (Kabba Laka)

²⁸ Tokou ban Jésus pana, Tokou etoidjé Ngon lo doou tarr mbä, tokou ban ndè té nou, sésè a geridjé to ma ndja, mam nda né ke mem ang, a ma mpa tar tokou Bòi Allah pa arem leo.

Jean 8:28 ပူးပေါင်းရင်းမြစ်များ

Matiye 24:5

Mba dəwje bula d-a ɗe gə ri-m, d-a pa na: ꞌMa ja m-to Kirisi, ngaɓa d-a kərə ne dəwje bula.

Marəke 13:6

Mba dəwje bula d-a ɗe gə ri-m ngaɓa d-a pa na: To ꞌma ja. Ngaɓa d-a kərə ne dəwje bula.

Lugu 21:8

N-pa na: Undaje kəm karə dɔ rɔ-si gə mba kar dəw ərə si ar-si ꞌndəəm-je ang, mba dəwje bula d-a ɗe gə ri-m, ngaɓa d-a pa na: To gə ꞌma ja. Cibi d-a pa na: Dɔ kar asə ngaa; nama ꞌndoleje go-je ang.

Jean 11:42

Kar-m ꞌma le ɗaa, m-gərə to gə o ndu-m ja jaga-jaga, ngaa m-pa ɔji dɔ bula dəwje gə d-ar lo gə nee gə mba kar ꞌta kagə to gə ꞌI ja ɓa ula-m.

Jean 13:19

M-pa kar be m-ar-si, kede nam ɓa kar ne gə nee a ɗa ne ɓi, mba kar-sisəy ꞌgərəje to gə ꞌMa m-ga̰.

Jean 16:10

ɔji dɔ neɗa gə dana gadə-gadə ɗaa m-aw gə rɔ Bɔy gə ɗaa a ko-mje ang saar;

Jean 18:32

To to gə be gə mba kar tar gə Jeju pa le aw ne lo-e gə yɛrɛrɛ, mba tɔji ne pa kuy gə n-a kuy.

Jean 19:18

Lo-e gə nee le ɓa ꞌɓər-e kagə dəsə gə, gə nje gə ɗangə sə-a joo kəne, dəw gə kara əər ne ngaɓa dəw kara əər kən ɗaa d-ila Jeju dana.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 3:14

Ngaɓa, to gə Moyiji un ne li ɔs-ɛ dɔ kagə gə taar mə ndag lo gə le, to to gə be ja tɔ, may kar Ngon lə dəw kara d-ɔs-ɛ taar tɔ,

Jean 4:26

Jeju pa ar-ɛ na: To gə ꞌma gə m-aw pa sə-i tar nee ja.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 5:30

ꞌMa m-asə ɗa ne kara gə dɔ-m baa ang: ne gə m-o gə mbi-m ja ɓa m-gangə ne tar, ngaɓa tar gangə lə-m le to dana gadə mba mə njigi lə-m ꞌma ɓa m-sangə ang, ngaa mə njigi lə dəw gə nje kula-m.

Jean 6:38

mba m-ḭ dara m-ɗe mba ɗa mə njigi lə-m ꞌma ang ngaa, mba ɗa mə njigi lə dəw gə njekula-m.

Jean 8:24

Gəl-e gə nee ɓa, m-pa m-ar-si to gə a kuyje dan neɗaje gə kṵra̰y lə-si; to gə ɓo ꞌta-je kagə to gə, ꞌma, m-ga̰ ang nama, a kuyje dan neɗaje gə kṵra̰y gə lə-si.

Jean 8:27

Tar gə n-pa n-ar-je le ꞌgərə m-e to gə n-pa ɔji dɔ Bɔ-ɛje ang baa.

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

Koula 2:41

Nje gə takagə tar gə Piyɛr pa le ꞌɗa-je batɛm ngaɓa dɔ ndɔ-ɛ gə əng kɔr dəwje tɔl-tɔl dɔg lo munda oso dɔ-je gə.

Koula 4:4

Be ɓa dəwje bula horo nje gə d-o tar le ꞌta kagə ɗaa kɔr-je asə tɔl-tɔl dɔg lo mi be.

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;