Jean 8:23 - Mbede Lə Luba Kone Gə Sigi

²³ Jeju ila-je kəne na: Sisəy ꞌtoje gə nangə nee, a ꞌma m-to gə taar nu; sisəy ꞌtoje gə dɔ nangə gə nee, ngaa ꞌma le, m-to gə dɔ nangə gə nee ang.

Testament ke Siki 1960 (Kabba Laka)

²³ Nè mpa naredè, Sésè etoidjé yéh ke kòè té, mam nto yéh ke tarr, sésè etoidjé yéh ke nange nèn, mam nto yéh ke nange nèn ang.

Jean 8:23 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 17:14

M-pa tar lə-i m-ar-je ɗaa dɔ nangə njigi-je ang gə kɔrɔ mba ꞌtoje gə dɔ nangə gə nee ang ɗəw kara baa to gə ꞌma kara m-to gə dɔ nangə gə nee ang tɔ.

Jean 17:16

ꞌToje gə dɔ nangə gə nee ang, ɗəw kara baa to gə ꞌma kara m-to gə dɔ nangə gə nee ang tɔ.

Jean 3:13

Dəw kara be gə ḭ nangə nee aw dara o lo gə kəne le godo, ngaa Ngon lə dəw gə ḭ dara ɗe dɔ nangə gə nee le, ye ja gə kar-ɛ baa.

Jean 3:31

Dəw gə ḭ dara le to dəw dɔ neje tɔ̰y; dəw gə ḭ dɔ nangə nee le, to dəw gə nangə nee, ɗaa neje gə dɔ nangə nee ja tɔ ɓa ye pa tar-ɛ tɔ. Ngaa dəw gə ḭ dara le, to dəw dɔ neje tɔ̰y,

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.