Jean 8:2 - Mbede Lə Luba Kone Gə Sigi

² N-təl n-aw kəy lə Luba gə ji dɔɔɓe baa ɗaa dəw mə ɓeje tɔ̰y ꞌɗe rɔ-ɛ gə. Ɗaa n-isi nangə n-aw ndo-je ne.

Testament ke Siki 1960 (Kabba Laka)

² Ke sindò ntél tokou kei Allah té, ke dooudjé toï dé rè té, ke nè nisi ntòdjoudè tar.

Jean 8:2 ပူးပေါင်းရင်းမြစ်များ

Matiye 26:55

Dɔ kar-ɛ gə əng ja Jeju turu kəm-e pa ar bula dəwje le na: ꞌƊeje gə kiya bayje gə guruje ɓa uwa-mje ne to gə d-uwa ne gayim be. ꞌMa le m-isi mə kəy gə lə Luba gə ndɔje tɔ̰y ja, m-tɔji ne kəne nəm ngaa uwa-mje ang.

Lugu 21:37

Jeju ɗa ndɔ kara dum mə kəy gə lə Luba tɔji ne kəne ngaa lo gə lo aw ndul ɗaa, n-ce n-aw dɔ wuri gə kagə olibiyeje d-ar kəne n-to kəne.

Lugu 21:38

Ɗaa dəw mə ɓeje ja tɔ̰y ꞌɗe gə ji dɔɔɓe baa d-inga-a mə kəy gə lə Luba mba tuga mbi-je ko ne tar lə-a.

Lugu 4:20

Logə Jeju kə mbede le, iya̰ ar njengom-ɛ, ɗaa kəm dəwje tɔ̰y gə d-isi mə kəy nendo gə le to gə dɔ-ɛ gə.

Lugu 5:3

Jeju al to gə to kar Simo. N-dəji Simo kar gɛsə to le əw njɛ̰ gə kar mbala. Jeju isi mə to gə, ngaɓa tɔji ne bula dəwje.

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Jean 8:20

Jeju ar lo gə d-unda ka nenuji kəne ɓa pa tarje nee le, netɔji le n-tɔji mə kəy gə lə Luba ja ngaa dəw kara kara uwa-a ang, mba kar lə-a asə ang ɓi.

Jean 8:3

Be ɓa njekɔr gəl toronduje gə Parijiyɛ̰je ꞌɗe gə jene gə d-uwa-a dɔ ɓogo lo to gə ngo̰, d-unda-a horo-je gə dana.

Koula 5:21

Go tar gə d-o-je le ɗaa ꞌɗe gə ndɔɔ-sḭ baa ja d-andə mə kəy gə lə Luba, d-ar d-aw ꞌtɔji ne dəwje. Ɗaa buba njekapolo je gə nje gə ꞌga̰ sə-a le ꞌɗe, ɗaa ꞌɓar nje gə no ngɔ gangə tar gə lə Jiibije ngaɓa mbo̰ naa lə buba ɓeje lə ngan Ijirayɛlje ngaɓa d-ula ꞌɓar njeka̰ykulaje gə to kəy kula gə le.