Jean 8:19 - Mbede Lə Luba Kone Gə Sigi

¹⁹ To gə be ɓa ꞌdəji-e na: Bɔ-ije ga̰ ɗa wa? Jeju ila kəne na: ꞌMa kara ꞌgərə-mje ang nəm Bɔy kara ꞌgər-eje ang nəm tɔ. To gə ɓo ꞌgərə-mje nama Bɔy kara a gər-eje tɔ.

Testament ke Siki 1960 (Kabba Laka)

¹⁹ Tokou ban dèdè mpa darè, Bòidjè éh da wa? Jésus tél pana, Sésè egeremdjé ang, ke sésè egeridjé Bòi ang to, tokou egeremdjé, a geridjé Bòi to.

Jean 8:19 ပူးပေါင်းရင်းမြစ်များ

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Jean 1:10

Tar le ga̰ dɔ nangə gə nee, ngaɓa dɔ nangə le to gə nekunda lə-a, ngaa dəwje gə dɔ nangə nee ꞌtəl gər-e ang magə.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 15:21

Be ɓa neje tɔ̰y nee le d-a ɗa gə si ɔji dɔ ri-m mba ꞌgərə dəw gə njekula-m le ang.

Jean 16:3

D-a ɗa ne nee le to gə be mba ꞌgərə Bɔ dəwje ang nəm ꞌgərə-m ꞌma ang nəm tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 7:28

Be ɓa, Jeju gə aw ndo ne mə kəy gə lə Luba le, ila ndu-e nangə ɓolong pa na: ꞌGərə-mje ngaɓa ꞌgərəje lo m-ḭ kəne! Ngaa ꞌma ɓa m-ɗe gə dɔ rɔ-m ang. Njekula-m le to dəw gə dana gadə, ꞌne gə sisəy ꞌgər-eje ang le.

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

Galatedjé 4:9

Ngaa ɓisine ɗaa, ꞌgərəje Luba ose, Luba gərə si, ngaa na ban cibi ɓa ꞌtəlje awje rɔ njilje gə tɔgə-je godo, ngaɓa to neje gə baa wa? Se ꞌnjigije mba təl to ɓərəje lə-je cibi wa?

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

2 Jean 1:9

Dəw gə ɗa-ɗa ɓa ar əw, cibi ngom nendo lə Kirisi ang nəm nama, Luba godo m-e gə. Dəw gə ngom nendo nama Bɔ je gə Ngon d-isi m-e gə.