Jean 8:12 - Mbede Lə Luba Kone Gə Sigi

¹² Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Testament ke Siki 1960 (Kabba Laka)

¹² Tokou ban Jésus pa aredè bai, pana, Mam nto lokarè ke nange nèn, doou ke dé gom té na ndja londoul té ang, nè na kéh lokarè té ke tébe.

Jean 8:12 ပူးပေါင်းရင်းမြစ်များ

Matiye 5:14

Sisəy ja ꞌtoje lokarə gə dɔ nangə nee. Ɓe gə to dɔ wuri gə taar le iya rɔ-ɛ ang.

Lugu 2:32

Kaji nee le to lokarə gə a tɔji dəwje gə ꞌgərə Luba ang tɔ̰y mba kar gər-i nee A to ne riɓar lə Ijirayɛl, dəwje lə-i.

Jean 12:35

Be ɓa, Jeju pa ar-je na: Lokarə ga̰ horo-sisəy gə nee dɔ kar njɛ̰ be ɓi. Lokarə ga̰ gə sisəy nee ɓi ɗaa ꞌnja-je dan-ɛ gə mba kar cil ciməri uba-si nangə bus ang: Mba dəw gə nja dan cil ciməri gə le gərə lo gə aw gə kəne ang.

Jean 12:36

Dɔ kar gə lokarə ga̰ gə sisəy ɓi le, ꞌtaje kag-ɛ mba kar-si ꞌtəlje ne gə ngan lokarəje. Jeju pa tar neje gə nee ɗaa, ɔdə aw iya rɔ-ɛ əw ta kəm-je.

Jean 12:46

ꞌMa gə m-to gə lokarə le, m-ɗe dɔ nangə gə nee mba kar na-na gə ta kagə-m nama isi dan cil ciməri gə ang.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 3:19

Oje gəl tar gə uwa dɔ-si le ɓa nee: Lokarə ɗe dɔ nangə ɗaa londul ɓa dəwje ꞌnjigi ya̰ d-unda lokarə, mba kula ɗa-je kṵra̰y.

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Jean 9:5

Logə m-ga̰ dɔ nangə gə nee ɓi le ɗaa, m-to gə lokarə gə dɔ nangə gə nee.

Koula 13:47

Mba Mbayɓe ja ɓa un ndu-e ar-si to gə be na: M-unda-i gə ne kɔji mar-ɛ lə Gəl kuji dəwje, Mba kar aw gə tar kaji saar ꞌce ne ko̰ nangə gə.

Koula 26:23

To gə Kirisi a ko ꞌməsərə ngaɓa a ce buwa yo gə dɔngɔr horo nje gə d-uy gə, ɗaa a kila mbərə lokarə kar dəw mə ɓeje gə dəwje gə ꞌgərə Luba ang.

2 Piyɛr 2:17

ꞌJejee nee le, ꞌnay to gə buwa man gə ii, gə nji gə ḭ gə ləl ɔr, ɗaa lo gə ndul gə cil ciməri oso kəne ɓa d-uwa dɔ gɔl-ɛ ꞌngina-je.

2 Piyɛr 2:4

Mba to gə ɓo Luba ɔr kəm anjije gə ɗa neɗa gə kṵra̰y ang, ngaa ɔsə-je um-je dan cil ciməri gə mə buwa wəl gə sṵra̰ godo, ar ꞌto d-aw ꞌngina gangə tar,

1 Jean 1:6

To gə ɓo j-a paje na j-a ɗa sə-a mə kara, ngaɓa j-a nja dan cil ciməri gə nama, j-a toje njeɗəgərəje cibi ɓa j-a njaje mə tar gə tɔgərɔ gə ang baa.

Jude 1:13

ose ꞌta naa gə ꞌpagəm babo gə ḭ pu-pu tomɛ nerɔkulje, ꞌta naa gə ndɛ̰ndərɛ̰ndɛ̰je gə njekila taarje, Luba ar-je d-ar lo kara baa mə cil ciməri gə ndul njudə-njudə gə gə dɔbo̰.

Jude 1:6

Cibi, anjije gə asə ngom singa gə d-inga ang, ɗaa d-iya̰ lokisije le, ꞌtɔ-je gə kula lar gə ngangə ꞌngom-je mə buwa gə ndul ngina ne ndɔ gangə tar gə boy.

Apocalypse 21:24

Gəl kujije d-a nja dan ndogo gə lə-a, ngaɓa mbayje gə dɔ nangə gə d-a kula rɔnduba dɔ-ɛ gə.