Jean 7:14 - Mbede Lə Luba Kone Gə Sigi

¹⁴ ꞌƊa nay ꞌce dana bab ɗɔdə ɗaa, Jeju ɔdə aw mə kəy gə lə Luba aw ndo dəwje ne.

Testament ke Siki 1960 (Kabba Laka)

¹⁴ Tokou ndò ke bo oso Jésus ao mè tòkou kei Allah té, nao ntòdjou tar.

Jean 7:14 ပူးပေါင်းရင်းမြစ်များ

Matiye 21:12

Jeju andə mə kəy gə lə Luba. N-tɔbə nje ɗabə neje gə nje ndogo neje lo-e gə nee, n-kunda bəgərə lə njembəl larje gə dɔ nekisi nje ɗabə dərje n-tila.

Matiye 26:55

Dɔ kar-ɛ gə əng ja Jeju turu kəm-e pa ar bula dəwje le na: ꞌƊeje gə kiya bayje gə guruje ɓa uwa-mje ne to gə d-uwa ne gayim be. ꞌMa le m-isi mə kəy gə lə Luba gə ndɔje tɔ̰y ja, m-tɔji ne kəne nəm ngaa uwa-mje ang.

Lugu 19:47

Jeju tɔji ne gə ndɔje tɔ̰y mə kəy gə lə Luba. Buba njekapoloje, njekɔr gəl toronduje gə buba ɓeje ꞌsangə ɗəw gə mba tɔl-ɛ.

Jean 18:20

Jeju ila-a kəne na: ꞌMa le, m-pa tar təgəsə ja m-ar dəwje; M-tɔji ne jaga-jaga mə kəy nendo gə gə mə kəy gə lə Luba, lo gə Jiibije tɔ̰y ꞌmbo̰ naa kəne, ngaɓa m-pa tar kara lo kiya-a gə ang nəm tɔ.

Jean 5:14

Go-e gə gugu ɗaa, Jeju inga-a mə kəy gə lə Luba ɗaa pa ar-ɛ na: Aji kəbərə ngaa nee ɗaa, ꞌɗa neɗa gə kṵra̰y gugu ɗangə ang ngaa, na kar ne gə kṵra̰y gə to ɓəəl ya̰ təl ce dɔ-i gə.

Jean 7:2

Ndɔ ɗa nay Kəy kubu lə Jiibije le ɗaa nay dəb baa ngaa.

Jean 7:28

Be ɓa, Jeju gə aw ndo ne mə kəy gə lə Luba le, ila ndu-e nangə ɓolong pa na: ꞌGərə-mje ngaɓa ꞌgərəje lo m-ḭ kəne! Ngaa ꞌma ɓa m-ɗe gə dɔ rɔ-m ang. Njekula-m le to dəw gə dana gadə, ꞌne gə sisəy ꞌgər-eje ang le.

Jean 7:37

Ɗudu ndɔ ɗa nay gə to ndɔ gə bɔy le, Jeju ar taar ɗaa ila ndu-e nangə ɓolong pa ne tar na: To gə ɓo dəw gə kunda tɔl-ɛ nama may kar-ɛ ɗe gə rɔ-m gə ɗe ta man ay.

Jean 8:2

N-təl n-aw kəy lə Luba gə ji dɔɔɓe baa ɗaa dəw mə ɓeje tɔ̰y ꞌɗe rɔ-ɛ gə. Ɗaa n-isi nangə n-aw ndo-je ne.

Jean 8:20

Jeju ar lo gə d-unda ka nenuji kəne ɓa pa tarje nee le, netɔji le n-tɔji mə kəy gə lə Luba ja ngaa dəw kara kara uwa-a ang, mba kar lə-a asə ang ɓi.