Jean 6:47 - Mbede Lə Luba Kone Gə Sigi

⁴⁷ Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Testament ke Siki 1960 (Kabba Laka)

⁴⁷ Tokoro, tokoro, ma mpa maresè, doou ke wo mèa té isi ke tébe ke ke ndò ke ndò.

Jean 6:47 ပူးပေါင်းရင်းမြစ်များ

Jean 11:26

Cibi dəw gə aw kəm baa ngaɓa ta kagə-m nama a kuy ang saar gə no. ꞌTa kagə tar gə nee le ja wa?

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:50

Mbə gə nee le, to ye gə ḭ dara, mba kar dəw gə usa nama uy ang.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Jean 6:54

Dəw gə usa darɔ-m gə ay məsə-m nama inga təbə gə to gə no, ɗaa ꞌma, m-a ndol-e dɔ ɗudu ndɔ gə.

Jean 6:58

Ye gə nee le ɓa to mbə gə ḭ dara, unda rɔ-ɛ ɓədə gə ye gə ka-sijee je d-usa ɗaa d-uy. Ngaa dəw gə usa mbə gə nee le nama a kaw kəm baa gə ndɔ gə ndɔ.