Jean 6:27 - Mbede Lə Luba Kone Gə Sigi

²⁷ Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Testament ke Siki 1960 (Kabba Laka)

²⁷ Edaidjé koula mbata mourou ke a toudjou ang, a edaidjé koula mbata mourou ke a to mbata tébe ke ke ndò ke ndò, mourou ke Ngon lo doou a karesè, mbata Bòi Allah ndja to nè ke né to la.

Jean 6:27 ပူးပေါင်းရင်းမြစ်များ

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Matiye 6:19

ꞌƁərəje nekingaje lə-si umje dɔ nangə nee ang, na to lo gə sɔlɔlɔje gə ɔgəɓar d-aw tuji neje kəne nəm ɓa nje ɓogoje kara d-aw cɛdə ta kəyje d-aw ɓogo nəm tɔ,

Matiye 8:20

Jeju pa ar-ɛ na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Marəke 1:11

Cibi, ndu ḭ dara pa tar na: ꞋI to Ngon njigi lə-m, ngira rɔləl lə-m.

Marəke 9:7

Kil lə nji ɗe dəbə dɔ-je gə rigim, ɗaa ndu dəw ɓar m-e gə na: ꞌNe gə n-ar nee le n-to Ngon njigi lə-m, oje tar t-ɛ gə.

Lugu 3:22

Njil Njerɔsangə un darɔ gə ta naa gə dər kuul be ɗe isi dɔ-ɛ gə. Cibi, ndu ḭ dara ɓar na: ꞋI to Ngon njigi lə-m, ngira rɔləl lə-m.

Lugu 9:35

ɗaa ndu dəw ɓar mə kil lə nji gə le na: Dəw gə ar nee le to Ngon-m, m-njig-e, m-mbər-e, oje tar t-ɛ gə.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Jean 11:42

Kar-m ꞌma le ɗaa, m-gərə to gə o ndu-m ja jaga-jaga, ngaa m-pa ɔji dɔ bula dəwje gə d-ar lo gə nee gə mba kar ꞌta kagə to gə ꞌI ja ɓa ula-m.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 15:24

To gə ɓo kulaje gə dəw gə ɗangə kara asə ɗa ang nee le m-ɗa horo-je gə ang nama tar neɗa gə kṵra̰y a kuwa dɔ-je ang; ne ɓisine gə d-o gə kəm-je nda̰-nda̰ nee ja cibi ɓa d-aw ꞌndɔɔl-m ꞌma je gə bɔy dɔ-je gə kede-kede.

Jean 17:2

To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ.

Jean 3:15

mba kar na-na ja ɓa ta kag-ɛ nama inga ne təbə gə gə ndɔ gə ndɔ.

Jean 3:33

Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja,

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Jean 6:53

Jeju pa ar-je na: Tar gə tɔgərɔ ja, m-pa m-ar-si, to gə ɓo usaje darɔ Ngon lə dəw ang nəm ngaɓa ayje məs-e ang nama təbə godo mə-si gə.

Jean 6:54

Dəw gə usa darɔ-m gə ay məsə-m nama inga təbə gə to gə no, ɗaa ꞌma, m-a ndol-e dɔ ɗudu ndɔ gə.

Jean 6:58

Ye gə nee le ɓa to mbə gə ḭ dara, unda rɔ-ɛ ɓədə gə ye gə ka-sijee je d-usa ɗaa d-uy. Ngaa dəw gə usa mbə gə nee le nama a kaw kəm baa gə ndɔ gə ndɔ.

Jean 6:62

Ngaa to gə ɓo sisəy oje Ngon lə dəw uba nangə ḭ aw lo gə ye ga̰ kəne kede le a paje na ɗi ngaa wa?

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Jean 8:18

ꞌMa ja m-ɗa tar naji gə ɔji dɔ-m, ngaɓa Bɔ dəwje gə ula-m le, ye kara ɗa tar naji lə-m tɔ.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 2:22

Dəwje gə Ijirayɛl, oje tar gə nee: Jeju gə Najarɛd le to dəw gə Luba ɔr-ɛ, ngaɓa ɗa nemisi, gə neje dang-dang gə kəm dəw o ndɔ kara ang, gə netɔjije ɗəw gə lə-a horo-si gə ar ꞌgərəje.

Romaindjé 4:11

Be ɓa d-ar-ɛ ndaji kunja bərə le gə bəngə ji gadə-gadə lə-a ɗəw takagə gə, ɗaa go-e gə ngaɓa d-unja bər-e ɓi. To gə be ɓa n-təl to ne bɔ ꞌjejee tɔ̰y gə ꞌta kagə, ngaɓa d-unja bərə-je ang ja ngaa ꞌtura-je gə dəwje gə gadə-gadə,

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

1 Corinthiendjé 6:13

Nekusa to mba mə dəw, to to gə mə dəw kara to mba nekusa tɔ; ngaa Luba a tuji-je joo kɛm. Ngaa darɔ dəw to kar kun ɗa ne kaya ang; darɔ to kar Mbayɓe, to to gə Mbayɓe kara to kar darɔ tɔ.

1 Corinthiendjé 9:2

Le nje gə kɛm ɓa m-to njeka̰ykula kəm-je gə ang kara m-to njeka̰ykula kəm-sisəy gə; mba sisəy le ꞌtoje bəngə ji-m ɗəw kila mbərə gə lə Mbayɓe.

2 Corinthiendjé 4:18

Neje gə kəm dəwje o ɓa sijee ja tɔsə kəm-si kəne ang baa, ngaa neje gə kəm dəwje o ang; neje gə kəm dəwje o le a nday, ngaa neje gə kəm dəwje o ang le to gə ndɔ gə ndɔ.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Philippiendjé 2:13

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Colossiendjé 1:29

Mba ye gə nee ɓa m-ɗa ne kula, m-ɗɔ ne gə singa-a gə ɗa kula rɔ-m gə gə mong-e.

Colossiendjé 2:22

Neje tɔ̰y nee le to neje gə dəwje d-aw ɗa ɗaa a tuji ang wa? To ndu ko̰ dɔ neje gə netɔjije gə ḭ ta dəwje gə ja baa,

Colossiendjé 3:2

Ar-je kəji neje gə dara ɓa uwa mə-si ɓo neje gə dɔ nangə gə nee ang.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

Ebərəje 12:16

Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Jacques 1:11

Be ɓa, kar ce ɗaa, kud-e gə nunga kadə-kadə tɔl mu wɔ arə pudu-e ce ɗɔgəlɔ oso nangə ngaɓa ndole lə-a kara sɛ̰rɛ̰ paa tɔ. Ɗəw kara baa to gə be, baw kara nebaw lə-a a kunda nangə ndasag.

1 Piyɛr 1:24

mba Dəw gə ɗa-ɗa kara nay ɗəw kara baa to gə mu be Ngaɓa riɓar to to gə pudu mu be; Mu tudu ɗaa pudu-e gə̰y tɔ,

2 Piyɛr 1:17

mba logə Luba gə Bɔ ɗɔy-e ngaɓa ula rɔnduba dɔ-ɛ gə gə ndu dəw gə ɓar ɓolong dɔ-ɛ gə na: ꞌNe gə nee le, n-to ngon njigi lə-m, n-to ngira rɔləl lə-m.