Jean 6:26 - Mbede Lə Luba Kone Gə Sigi

²⁶ Jeju ila-je kəne na: Tar gə tɔgərɔ ja, m-pa m-ar-si, ꞌsangə-mje mba netɔjije gə oje ang, ngaa mba mbə gə usaje ar-je mə-si ci tub-tub.

Testament ke Siki 1960 (Kabba Laka)

²⁶ Jésus tél pa aredè, pana, Tokoro, tokoro, ma mpa maresè, sésè esangemdjé ang mbata sésè woidjé né mori, a sésè esangemdjé mbata sésè öndjé mourou mèsè ndan.

Jean 6:26 ပူးပေါင်းရင်းမြစ်များ

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Jean 6:14

Logə dəwje d-o netɔji gə Jeju ɗa ɗaa, ꞌpa na: ꞌNe ja n-to pajambərə gə a ɗe dɔ nangə gə nee to gə tɔgərɔ.

Jean 6:15

Logə Jeju gərə to gə ꞌkuma-a mə-je gə mba ɗe kuwa-a kaw sə-a kaw kula mbay dɔ-ɛ gə ɗaa, ɔr rɔ-ɛ təl aw dɔ ər gə gə kar-ɛ baa.

Jean 6:2

Bula dəwje d-uwa go-e mba d-o netɔjije gə n-ɗa dɔ njerɔko̰je gə.

Jean 6:24

Logə bula dəwje d-o to gə Jeju je gə ngan njenendoje lə-a ꞌgodo lo-e gə əng ɗaa, dəwje ꞌbunga naa d-um mə to gə, ɗaa d-aw Kapɛrənom d-aw ꞌsangə Jeju.

Jean 6:30

Be ɓa ꞌpa d-ar-ɛ na: Ngaa, ꞌI le, netɔji gə ban ɓa ꞌɗa mba kar-sijee j-o ɓa j-a ta ne kag-i wa? Ɗi ja ɓa to ne gə ꞌɗa wa?

Jean 6:36

Ngaa m-pa m-ar-si kede: Sisəy o-mje ja ngaa, ꞌtaje kagə-m ang.

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 6:53

Jeju pa ar-je na: Tar gə tɔgərɔ ja, m-pa m-ar-si, to gə ɓo usaje darɔ Ngon lə dəw ang nəm ngaɓa ayje məs-e ang nama təbə godo mə-si gə.

Jean 6:64

Ngaa nje gə kɛm horo-si gə nee ꞌta kagə-m ang. Mba Jeju gərə kede ləw baa, lo kuma kudu neje gə, nje gə ꞌta kag-ɛ ang, ngaɓa n-gərə dəw gə njekun dɔ-ɛ nəm tɔ.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

Philippiendjé 2:21

dəwje tɔ̰y ja, ꞌsangə ne gə ɔji dɔ-je dɔ-je ɓo ꞌsangə kar Jeju Kirisi ang.

Philippiendjé 3:19

d-a kɔsə bo̰-ɛ̰ dɔ tuji gə, magə lə-je to mə-je ngaɓa ne riɓar lə-je təl to nerɔkul ar-je; d-um mə-je dɔ neje gə nangə nee ja baa.

1 Timoce 6:5

ma̰y tar gə sṵra̰ godo horo dəwje gə kəji negərə lə-je uy mbudugu, ar tar gə tɔgərɔ godo mə-je gə, ngaɓa d-o tar kila kuji dɔ ne gə lə Luba to gə ɗəw nekuga dɔ ji lə-je.