Jean 5:39 - Mbede Lə Luba Kone Gə Sigi

³⁹ ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Testament ke Siki 1960 (Kabba Laka)

³⁹ Sésè esangidjé maketourou lo Allah, mbata sésè edjidjé sésè éhdjé ke tébé ke ke ndò ke ndò mè té, ke to yéh nèn ke pa tar nadji lom.

Jean 5:39 ပူးပေါင်းရင်းမြစ်များ

Matiye 22:29

Jeju ila-je kəne na: ꞌndəəmje, mba ꞌgərəje Mbede lə Luba ang nəm, gə singamongə lə Luba ang nəm tɔ.

Marəke 10:3

N-ila-je kəne na: Ndu gə ban ɓa Moyiji un ar-si wa?

Marəke 12:10

ꞌTuraje tar gə nee mə mbede gə ang wa: Ər gə njekunda kəyje ꞌmbadə le təl to ər gə mongə, gə kil kəy gə;

Lugu 16:29

Abəraham pa ar-ɛ na: Ngan ko̰-i le torondu lə Moyiji gə mbede gə Pajambərəje ꞌɗa le to ji-je əng ɗaa may kar d-ila kuji kəne.

Lugu 16:31

Abəraham pa ar-ɛ na: To gə ɓo d-o torondu lə Moyiji ang nəm, gə pajambərəje ang nama, to gə ɓo dəw ḭ jabaw nee ja ɓa aw pa ar-je kara d-a turu kəji lə-je ang.

Lugu 24:25

Ɗaa, Jeju pa ar-je na: Ɓəy! Sisəy ɛbɛ dəwje gə ꞌtoje gə dəwje gə mə-si kədərə, gə lo takagə neje tɔ̰y gə pajambərəje lə Luba ꞌpa le o̰ gə si ya̰!

Lugu 24:27

Ngaɓa, un kud-e dɔ Moyiji gə, ce ne dɔ pajambərəje gə tɔ̰y le, Jeju ɔr gəl neje gə mbede lə Luba pa tar-ɛ ɔji dɔ-ɛ, ar-je.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 1:45

Pilibi inga Nataniyɛl ɗaa pa ar-ɛ na: Sijee j-inga dəw gə mbede lə Moyiji gə mbede lə pajambərəje ꞌpa tar lə-a, Jeju gə ɓe gə Najarɛd, gə to ngon lə Jəjəb le.

Jean 5:32

To gə dəw gə ɗangə ɓa pa tar naji lə-m ꞌma, ɗaa m-gərə to gə tar naji lə-m gə n-pa le, to tar gə tɔgərɔ ja.

Jean 5:36

Ngaa tar naji lə-m ꞌma to ɓəəl ya̰ unda kar Ja̰: Kulaje gə Bɔy um ji-m gə mba kar-m m-ɗa le, m-ɗa m-tɔl t-ɛ bɛm. Kulaje gə m-ɗa nee le ja ɗa tar naji lə-m to gə Bɔ dəwje ula-m.

Jean 5:40

Ɗaa ꞌnjigije mba ɗe rɔ-m gə gə mba kinga təbə ang.

Jean 5:46

Be ɓa to gə ɓo ꞌtaje kagə Moyiji nama a taje kagə-m ꞌma tɔ, mba ne gə n-ɗa tar-ɛ mə mbede gə le ɔji dɔ-m ꞌma.

Jean 7:52

D-ila-a kəne na: ꞌI kara ꞌto gə dəw gə Galile gə ja tɔ ang wa? ꞌTən Torondu gə maj-ɛ o, ɗaa a gərə to gə pajambərə a kḭ Galile gə ang.

Koula 13:27

Mba dəw mə ɓeje gə Jerujalɛm gə mbayje lə-je ꞌgərə Jeju ang. Ngaɓa mbede lə pajambərəje gə ꞌtura gə ndɔ kuwa kɔr taar-taar le kara nəm. Ngaa ꞌgangə tar dɔ-ɛ gə d-ar tarje le aw ne lo-e bɛrɛrɛ.

Koula 17:11

Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa?

Koula 26:27

Mbay Agiripa, ꞌi ꞌta kagə Pajambərəje tɔ wa? M-gərə to gə ꞌta kagə-je ja.

Romaindjé 1:2

Tar gə May nee le, n-uwa dɔ gɔl-ɛ ɗəw gə lə pajambərəje lə-a mə mbede gə to gə losang-ɛ gə,

Romaindjé 3:2

To gə ban-ban kara may lə-a to ja tɔ̰y. Mba Jiibije ja ɓa Luba um tar lə-a ji-je gə.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Ebərəje 11:16

Ngaa ɓisine ɗaa mə-je to dɔ ɓe gə may gə, gə to ɓe gə dara. Gəl-e gə nee ɓa ꞌɓar Luba gə Luba lə-je nama, o gə ne rɔ kul ang; n-gɔl ɓe mba je.

Ebərəje 11:35

Jeneje ꞌtəl d-inga ne njekar-jeje d-uy ɓa ndol. Nje gə kɛm ꞌmbḭrḭ-je ngaa ꞌnjigi kar d-ɔr-je d-ila-je taar ang mba njigi kuy gə ndol ndol gə dum dɔ lo.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.