Jean 5:37 - Mbede Lə Luba Kone Gə Sigi

³⁷ Ngaɓa Bɔ dəwje gə ula-m le ye ja pa tar naji lə-m. Ngaa sisəy ꞌtugaje mbi-si oje ne ndu-e ang nəm, oje lo kunda rɔ-ɛ ang nəm tɔ,

Testament ke Siki 1960 (Kabba Laka)

³⁷ Bòi Allah ke oulam, nè mpa tar nadji lom mba. Sésè nai woidjé tè ndò kada ang, sésè nai woidjé rè ang.

Jean 5:37 ပူးပေါင်းရင်းမြစ်များ

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Marəke 1:11

Cibi, ndu ḭ dara pa tar na: ꞋI to Ngon njigi lə-m, ngira rɔləl lə-m.

Lugu 24:27

Ngaɓa, un kud-e dɔ Moyiji gə, ce ne dɔ pajambərəje gə tɔ̰y le, Jeju ɔr gəl neje gə mbede lə Luba pa tar-ɛ ɔji dɔ-ɛ, ar-je.

Lugu 3:22

Njil Njerɔsangə un darɔ gə ta naa gə dər kuul be ɗe isi dɔ-ɛ gə. Cibi, ndu ḭ dara ɓar na: ꞋI to Ngon njigi lə-m, ngira rɔləl lə-m.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 15:24

To gə ɓo kulaje gə dəw gə ɗangə kara asə ɗa ang nee le m-ɗa horo-je gə ang nama tar neɗa gə kṵra̰y a kuwa dɔ-je ang; ne ɓisine gə d-o gə kəm-je nda̰-nda̰ nee ja cibi ɓa d-aw ꞌndɔɔl-m ꞌma je gə bɔy dɔ-je gə kede-kede.

Jean 5:32

To gə dəw gə ɗangə ɓa pa tar naji lə-m ꞌma, ɗaa m-gərə to gə tar naji lə-m gə n-pa le, to tar gə tɔgərɔ ja.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Jean 8:18

ꞌMa ja m-ɗa tar naji gə ɔji dɔ-m, ngaɓa Bɔ dəwje gə ula-m le, ye kara ɗa tar naji lə-m tɔ.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 6:16

ꞌNe gə kar-e baa n-to Njekuy ang, ꞌNe gə n-isi dan ndogo gə dəw ila gɔl-ɛ kəne ang. Lo gə dəw o ang ngaɓa dəw a kasə ko ang nəm. Riɓar gə singamongə gə ndɔ gə ndɔ to gə k-ɛ. Oyo.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.

1 Jean 4:20

To gə dəw pa na: M-njigi Luba, ɓa n-njigi ngon ko̰-ɛ ang gə kɔrɔ nama, n-to nje ɗəgərə, mba dəw gə o ngon ko̰-ɛ nda̰ ɓa njigi-e ang, ngaa a njigi Luba gə o-e ang na ban wa?

1 Jean 5:9

To gə ɓo j-o tar naji lə dəwje nama, tar naji lə Luba bo ya̰; mba tar naji lə Luba le to tar naji gə pa ɔji dɔ Ngon-e.