Jean 5:30 - Mbede Lə Luba Kone Gə Sigi

³⁰ ꞌMa m-asə ɗa ne kara gə dɔ-m baa ang: ne gə m-o gə mbi-m ja ɓa m-gangə ne tar, ngaɓa tar gangə lə-m le to dana gadə mba mə njigi lə-m ꞌma ɓa m-sangə ang, ngaa mə njigi lə dəw gə nje kula-m.

Testament ke Siki 1960 (Kabba Laka)

³⁰ Ma ndja mase ta da né ke kadam ang. Tokou ma mo, bana mam ngange saria. Mam ngange saria gaté gaté, mbata mam nsange né ke mam ndiki ang, a né tokou nè ke noulam ndiki.

Jean 5:30 ပူးပေါင်းရင်းမြစ်များ

Matiye 26:39

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

Jean 14:10

ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Jean 17:4

ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ.

Jean 18:11

Jeju pa ar Piyɛr na: ꞌTəl gə kiya bayi lə-i ula ɓo-e gə. Nekay gə Bɔ dəwje ar-m le, m-a kay ang baa wa?

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 6:38

mba m-ḭ dara m-ɗe mba ɗa mə njigi lə-m ꞌma ang ngaa, mba ɗa mə njigi lə dəw gə njekula-m.

Jean 8:28

Be ɓa Jeju pa ar-je na: Ndɔ gə a kunje Ngon lə dəw kunda-aje taar ndode ɓa a gərəje to gə m-ga̰ ngaɓa m-ɗa ne gə dɔ-m baa ang: Ne gə Bɔ dəwje tɔji-m ja ɓa m-pa tar-ɛ.

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Jean 8:50

Ngaɓa ꞌma le, riɓar lə-m ꞌma ɓa m-sangə ang: dəw kara ga̰ kəne əng gə to gə njesang-ɛ ngaɓa gə nje gangə tar tɔ.

Romaindjé 15:3

Mba Kirisi sangə ne gə ləl-e ang baa, ngaa to gə ꞌɗa ne mə mbede gə na: Taji kil lə nje taji-i je le oso dɔ-m gə.

Romaindjé 2:2

Ngaa, ja gərə to gə gangə tar lə Luba dɔ nje ɗa neje gə to gə bənəng gə le, to gə go tar gə tɔgərɔ.

Romaindjé 2:5

Ngaa gə go məkədərə lə-i ngaɓa ꞌnjigi mbəl kəji lə-i ang, ar ɔsə ne kɔr wungu ɔji dɔ-i, ɔji ne dɔ ndɔ wungu gə gangə tar gadə-gadə lə Luba a kila ne gə ɗaga,