Jean 5:24 - Mbede Lə Luba Kone Gə Sigi

²⁴ Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Testament ke Siki 1960 (Kabba Laka)

²⁴ Tokoro, tokoro, ma mpa maresè, doou ke wo tar lom, ke nè no mèa té ke nè ke noulam, nè nisi ke tébe ke ke ndò ke ndò, nè ntéh loou saria té ang, nè ndai yo mba, nè ntéh tébe té.

Jean 5:24 ပူးပေါင်းရင်းမြစ်များ

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Jean 11:26

Cibi dəw gə aw kəm baa ngaɓa ta kagə-m nama a kuy ang saar gə no. ꞌTa kagə tar gə nee le ja wa?

Jean 12:44

Jeju pa tar gə ndu-e gə boy na: Dəw gə ta kagə-m nama, to gə ꞌma ɓa ta kagə-m ang, ngaa dəw gə njekula-m le ɓa ta kag-ɛ kən;

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 4:36

njekunja ko inga lar dɔ ji-a ngaɓa mbo̰ kandə ko ndɔ dɔ naa gə mba təbə gə gə ndɔ gə ndɔ, mba kar Njedubu koje gə njekunja-a ꞌɗa ne rɔləl naa gə kara baa tɔ.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 6:50

Mbə gə nee le, to ye gə ḭ dara, mba kar dəw gə usa nama uy ang.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Jean 6:58

Ye gə nee le ɓa to mbə gə ḭ dara, unda rɔ-ɛ ɓədə gə ye gə ka-sijee je d-usa ɗaa d-uy. Ngaa dəw gə usa mbə gə nee le nama a kaw kəm baa gə ndɔ gə ndɔ.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

1 Thessaloniciendjé 5:9

Mba Luba uwa dɔ gɔl sijee mba wungu ang, ngaa mba kaji gə ɗəw gə lə Mbayɓe lə-sijee Jeju Kirisi,

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Jean 3:14

Sijee j-a gərə to gə j-a ce mə ji yo gə j-aw lo təbə gə, mba sijee ja njigi ngan ko̰-sijee. Dəw gə njigi ngon ko̰-ɛ ang le nay mə ji yo gə baa ɓi.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.