Jean 5:20 - Mbede Lə Luba Kone Gə Sigi

²⁰ Mba Bɔ Ngon-je njigi Ngon ɗaa tɔj-ɛ neje tɔ̰y gə ye ja gə darɔ-ɛ kara ɗa tɔ; n-a tɔj-ɛ kula ɗaje gə to ɓəəl ya̰ ja ɓi mba kar-sisəy le lo tar igi ne si sɛl.

Testament ke Siki 1960 (Kabba Laka)

²⁰ Mbata Bòi Allah ndiki Ngonè, nè ntòdjou Ngonè né toï ke nè ndja nda. Nè na tòdjè koula wota yéh nèn, ta kare mèsè isa.

Jean 5:20 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Matiye 4:8

ꞌSɛ̰ngərɛ̰ ɔr-ɛ aw sə-a dɔ ər gə ndəw ya̰ ɓa tɔj-ɛ ɓeko̰je tɔ̰y gə dɔ nangə nee gə nemayje gə kəne,

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:32

Jeju təl pa ar-je na: M-tɔji-si neje gə may-may gə ḭ rɔ Bɔy gə bula ya̰. Ngaa ye gə ɗa ɓa ꞌnjigije gə mba cila-mje ne gə kɔr ər mb-ɛ wa?

Jean 14:12

Tar gə tɔgərɔ ja, m-pa m-ar-si, dəw gə ta kagə-m nama ye kara a ɗa kulaje gə ꞌma m-ɗa nee le tɔ; n-a ɗa yeje gə bo ya̰ unda mar-ɛje ja cibi, mba m-aw gə rɔ Bɔy gə.

Jean 15:15

M-ɓar-si ngan njekulaje ang ja saar gə dɔbo̰, mba ngon njekula gərə ne gə ꞌɓəə-eje ɗa ang; m-ɓar-si njekuraje lə-m mba tarje tɔ̰y gə m-o ta Bɔy gə le, m-pa m-ar-sisəy ꞌgərəje tɔ.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 3:35

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.

Jean 5:21

Be ɓa, to gə Bɔ Ngon-je ndol ne nje gə d-uy ngaɓa n-ar-je d-isi kəm baa le, to gə be ja tɔ, Ngon ar na-na kara isi kəm baa to gə m-e ye ja njigi.

Jean 5:25

Tar gə tɔgərɔ ja, m-pa m-ar-si, kar-ɛ ɗe, ɗaa to kar-ɛ ja ɓisine, logə nje gə d-uy d-a ko ndu Ngon lə Luba, ngaɓa nje gə d-a ko ndu-e le d-a kisi kəm baa.

Jean 5:29

Ngaɓa nje gə ꞌɗa ne gə may nama d-a ndol ce buwa yo gə mba kisi kəm baa; nje gə d-a ɗa ne gə kṵra̰y nama d-a ndol ce buwa yo gə mba kaw lo gangə tar gə.

2 Piyɛr 1:17

mba logə Luba gə Bɔ ɗɔy-e ngaɓa ula rɔnduba dɔ-ɛ gə gə ndu dəw gə ɓar ɓolong dɔ-ɛ gə na: ꞌNe gə nee le, n-to ngon njigi lə-m, n-to ngira rɔləl lə-m.