Jean 5:19 - Mbede Lə Luba Kone Gə Sigi

¹⁹ Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Testament ke Siki 1960 (Kabba Laka)

¹⁹ Tokou ban Jésus tél pa aredè, Tokoro, tokoro, ma mpa maresè, Ngon ndja ase da né kada ke mèa ang, né ke nè no Bòi Allah a da, mbata né toï ke nè nda, Ngonè da né tokou ban tò.

Jean 5:19 ပူးပေါင်းရင်းမြစ်များ

Matiye 26:39

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Jean 10:18

Dəw kara kara ɔr təbə lə-m ang, ngaa ꞌma ja gə dɔ-m m-ḭya̰ təbə lə-m m-ila kɔrɔ; M-aw gə singamongə mba kḭya ne təbə lə-m kila kɔrɔ ngaɓa m-aw gə singamongə mba təl kinga ne to gə ɗangə tɔ; ye gə nee ɓa to gə ndu gə m-inga ta Bɔy gə.

Jean 12:49

Mba ꞌma m-pa tar gə dɔ-m baa ang, ngaa Bɔ dəwje gə ula-m le ngaɓa unda tar ta-m kar-m pa le ye ja m-pa ɗaa m-pa.

Jean 12:50

Ɗaa m-gərə to gə torondu-e le to gə təbə gə gə ndɔ gə ndɔ. To gə be ɓa, neje gə m-pa tar-ɛ le, m-pa tar-ɛ ɗəw kara baa to gə Bɔy pa ne tar-ɛ ar-m tɔ.

Jean 14:10

ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Jean 2:19

Jeju təl ila-je kəne na: ꞌTɔje kəy lə Luba gə nee le, ɗaa ndɔ munda ja ꞌma kar-ɛ təl ḭ tar gugu.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 5:21

Be ɓa, to gə Bɔ Ngon-je ndol ne nje gə d-uy ngaɓa n-ar-je d-isi kəm baa le, to gə be ja tɔ, Ngon ar na-na kara isi kəm baa to gə m-e ye ja njigi.

Jean 6:38

mba m-ḭ dara m-ɗe mba ɗa mə njigi lə-m ꞌma ang ngaa, mba ɗa mə njigi lə dəw gə njekula-m.

Jean 8:28

Be ɓa Jeju pa ar-je na: Ndɔ gə a kunje Ngon lə dəw kunda-aje taar ndode ɓa a gərəje to gə m-ga̰ ngaɓa m-ɗa ne gə dɔ-m baa ang: Ne gə Bɔ dəwje tɔji-m ja ɓa m-pa tar-ɛ.

Jean 9:4

Logə kar to baa ɓi le, may kar j-a ɗa kula lə nje kula-m le ɓa; londul nama dəw a kasə ɗa kula ang.

Koula 2:24

N-uy ɓa Luba ndol-e ɔr-ɛ ne ji yo gə mba ɗəw gə yo a ko̰ ne ɓe dɔ-ɛ gə godo.

Romaindjé 6:4

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

1 Corinthiendjé 15:12

Be ɓa, to gə ɓo d-ila mbərə to gə Kirisi uy ɓa ndol horo nje gə d-uy gə ɗaa, nje gə kɛm horo-sisəy gə ꞌpa na ce buwa yo gə lə nje gə d-uy godo to gə ban wa?

2 Corinthiendjé 4:14

Sijee ja gərə to gə nje kar Mbayɓe Jeju uy ɓa ndol le a kar-sijee j-uy ɓa ja ndol gə Jeju naa gə kara baa, ɗaa n-a kar-si j-ar-je naa gə no-ɛ gə.

2 Corinthiendjé 5:10

Be ɓa, may kar-sijee tɔ̰y j-ar no ngəndəng gangə tar gə lə Kirisi, mba kar na-na kara inga ne dɔ ji lə-a gə may ose gə kṵra̰y gə ɗa lo gə ye nay nee mə darɔ gə ɓi.

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Ephésiendjé 3:16

mba kar, gə go riɓar lə-a gə gad-e dum tura le, n-ar-sisəy singamongə ɗəw Njil gə lə-a, mba kar mə-si ərə ne ɓər-ɓər.

Philippiendjé 3:21

gə a mbəl darɔ gə a kuy nee le kar ta naa gə darɔ-ɛ gə a kuy ang gə go singamongə lə-a gə dum ne dɔ neje tɔ̰y.

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Colossiendjé 1:11

Mba kar ubaje ne singa gə go singamongə riɓar lə-a, kar uwaje ne gədərə ngaɓa ilaje ne mə-si dɔ mar-ɛ gə tɔ.

Colossiendjé 1:16

Mba ꞌɗa ne ne tɔ̰y mə dara gə, gə dɔ nangə nee ɗəw gə lə-a, ne gə kəm dəw o gə ye gə kəm dəw o ang, ngəndəng mbay, nje dum dɔ loje, njeko̰ dɔ loje gə njesingamongəje. Neje tɔ̰y nee le ꞌne ja n-ɗa ngaɓa ɔji dɔ-ɛ ja.

1 Thessaloniciendjé 4:14

Be ɓa, to gə ɓo j-a ta kagə kuy lə Jeju gə ndol lə-a nama, j-a ta kagə to gə dəwje tɔ̰y gə d-aw ꞌcibi le, Luba a kar-je d-a ndol gə Jeju naa gə ja tɔ.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.