Jean 5:18 - Mbede Lə Luba Kone Gə Sigi

¹⁸ Be ɓa Jiibije ꞌsangə ɗəw gə mba tɔl-ɛ gə tɔl ja kara baa, mba n-al dɔ ndɔ kuwa kɔr ja kara baa ang, ngaa n-təl n-ɓar Luba gə bɔ-ɛje gə nje kuj-e, ngaɓa n-ɗa rɔ-ɛ n-asə ne naa gə Luba nəm tɔ.

Testament ke Siki 1960 (Kabba Laka)

¹⁸ Tokou ban Juifdjé sange deo ngeng ta tòlè mbata tar nèn, mbata ngem tar ndò sabbat kada ang, a mbata mmar Allah Bèdjè ndja to, mbata nè mpana nè ndja nasena ke Allah.

Jean 5:18 ပူးပေါင်းရင်းမြစ်များ

Matiye 12:5

Ose ꞌturaje tar-ɛ mə torondu gə lə Moyiji to gə, njekapoloje ꞌɗa kula mə kəy gə lə Luba ndɔ kuwa kɔr gə. D-alje dɔ torondu ja ngaa Luba gangə tar dɔ-je ang.

Jean 1:19

Oje tar naji gə Ja̰ Njeɗabatɛm pa, logə Jiibije gə Jerujalɛm d-ula njekapoloje gə nje gə gəl ka Lebi gə d-ar dəji-e tar na: ꞌI le ꞌto na wa?

Jean 10:30

ꞌMa je gə Bɔy j-a to gə kara baa.

Jean 10:33

Jiibije d-ila-a kəne na: Mba kula gə may gə ꞌɗa ɓa j-a cila-i gə kɔr ər mb-ɛ ang ngaa mba taji gə ꞌtaji Luba, ngaɓa mba ꞌI gə ꞌto dəw nee ja baa uwa rɔ-i gə Luba.

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 19:7

Jiibije d-ila-a kəne ne: Sijee le, torondu lə-si ga̰ kəne əng, ngaɓa gə go torondu nee le ɗaa, kuy ja baa n-a kuy, mba ꞌne ja gə dɔ-ɛ baa n-ɗa rɔ-ɛ gə ngon lə Luba.

Jean 5:15

Dəw gə nee le ɔdə aw pa ar Jiibije na dəw gə nje kar n-inga kaji le to Jeju.

Jean 5:16

Be ɓa Jiibije d-un kudu kula kəm Jeju ndoo mba n-ɗa neje nee le gə ndɔ kuwa kɔr.

Jean 5:17

Ngaa Jeju ila-je kəne na: Saar ɓisine, Bɔy ar ta kula gə ja ɓi, ngaɓa ꞌma kara m-ar ta kula ja ɓi tɔ.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Jean 7:1

Go-e gə ɗaa Jeju nja dɔ nangə gə Galile; n-njigi mba nja dɔ nangə gə Jude gə ang, mba Jiibije ꞌsangə ɗəw gə mba tɔl-ɛ.

Jean 7:19

Moyiji ar-sisəy Torondu le ang baa cibi wa? Be ja kara dəw kara gə nje ɗa ne kula godo: Mba ɗi ɓa ꞌsangəje ɗəw mba tɔl-mje wa?

Jean 8:54

Jeju ila kəne na: To gə ɓo ꞌma gə dɔ-m baa ɓa m-ɔsə gaji rɔ-m nama, kɔsə gaji rɔ lə-m le to gə ne ang baa. To Bɔy ja ɓa ila riɓar dɔ-m gə, ꞌne gə sisəy, ꞌpaje tar lə-a na: N-to Luba lə-sijee!

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

Philippiendjé 2:6

ꞌne gə n-asə naa gə Luba, n-njigi mba kisi lo kasə naa gə lə-a gə Luba ang,

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Apocalypse 22:3

Nekugu tɔ̰y a godo saar gə no. Ngəndəng mbay le Luba je gə ngon badəm a ga̰ mə ɓebo gə le. Ɗaa, ngan njekulaje lə Luba d-a pol-e;