Jean 5:10 - Mbede Lə Luba Kone Gə Sigi

¹⁰ To gə be ɓa Jiibije ꞌpa d-ar dəw gə aji le na: Dəw un ɗəw ar-i mba kar-i un tuwa lə-i odo gə ndɔ kuwa kɔr ang.

Testament ke Siki 1960 (Kabba Laka)

¹⁰ Ndò to ndò sabbat. Tokou ban Juifdjé pa are doou nèn ke rò too la goto, Ndò nèn to ndò sabbat, to ndò ta kare oto twa loi ang.

Jean 5:10 ပူးပေါင်းရင်းမြစ်များ

Matiye 12:10

Ɗaa dəw gə ji-a uy ga̰ kəne, ɗaa ꞌdəji Jeju na: Ɗəw to kəm kaji dəw ndɔ kuwa kɔr gə wa? ꞌDəji be mba kinga ne ɗəw kila ne tar dɔ-ɛ gə.

Marəke 2:24

Parijiyɛ̰je ꞌpa d-ar-ɛ na: O, mba ɗi ɓa ne gə to kəm ɗa ndɔ kuwa kɔr gə ang ɓa ꞌɗa wa?

Marəke 3:4

Cibi n-pa n-ar-je na: Ndɔ kuwa kɔr le ɗəw to kəm kar dəw ɗa ne gə may ose ɗa ne gə kṵra̰y, gə kaji dəw ose tɔl-ɛ gə tɔl wa? Ngaa d-isi ta-je munduru.

Lugu 13:14

Ngaa, mə njeko̰ dɔ kəy nendo o̰-ɛ dɔ Jeju gə ɔji dɔ kaji gə aji jene gə ndɔ kuwa kɔr. Be ɓa, n-pa n-ar bula dəwje na: Ndɔ gə kar ꞌɗaje kula kəne ḭ misa̰, ꞌɗeje gə ndɔ-ɛ nee ar-je d-aji-si, ɓo gə ndɔ kuwa kɔr ang.

Lugu 23:56

Ngaɓa ꞌtəl d-aw ɓee ɗaa ꞌgɔl dɔ ba̰yi kəndə mambo̰je gə ubuje. Ndɔ kuwa kɔr lə-je gə d-uwa kɔr-je to gə ndu Luba pa.

Lugu 6:2

Ngaa Parijiyɛ̰je gə kɛm ꞌpa na: Mba ɗi ɓa ꞌɗa ne gə to kəm ɗa ndɔ kuwa kɔr ang wa?

Jean 1:19

Oje tar naji gə Ja̰ Njeɗabatɛm pa, logə Jiibije gə Jerujalɛm d-ula njekapoloje gə nje gə gəl ka Lebi gə d-ar dəji-e tar na: ꞌI le ꞌto na wa?

Jean 5:11

Ngaa ꞌne n-pa n-ar-je na: Dəw gə ar-m m-aji kəbərə le ja ɓa pa ar-m na: Un tuwa lə-i ɓo ꞌnja.

Jean 5:15

Dəw gə nee le ɔdə aw pa ar Jiibije na dəw gə nje kar n-inga kaji le to Jeju.

Jean 5:16

Be ɓa Jiibije d-un kudu kula kəm Jeju ndoo mba n-ɗa neje nee le gə ndɔ kuwa kɔr.

Jean 7:23

To gə ɓo dəw ar d-unja bər-e ndɔ kuwa kɔr gə nama, Torondu le Moyiji le ye al dɔ-ɛ ang, ngaa mba ɗi ɓa wungu lə-sisəy ḭ gə si pu-pu dɔ-m gə mba kaji gə m-aji dəw ndɔ kuwa kɔr gə m-ar rɔ-ɛ may pɛdə wa?

Jean 9:16

Horo Parijiyɛ̰je gə le, nje gə naaje ꞌpa na: Dəw gə nee le ḭ rɔ Luba ang baa, mba n-ila kuji dɔ ndɔ kuwa kɔr gə ang. Nje gə ɗangə ꞌpa na: Dəw gə njeneɗa gə kṵra̰y a ɗa ban ɓa a kasə ɗa netɔjije gə to gə be wa? Ɗaa kay naa ɗe to horo-je gə