Jean 4:42 - Mbede Lə Luba Kone Gə Sigi

⁴² Ɗaa ꞌpa d-ar jene le na: Mba tar lə-i gə ꞌpa ɓa sijee j-a ta ne kag-ɛ ang baa. Sijee ja j-o tar lə-a gə mbi-si ɗaa j-a gərə to gə n-to njekaji dəwje to gə tɔgərɔ ja.

Testament ke Siki 1960 (Kabba Laka)

⁴² Dèdè mpa dare dènè nèn, Bashénè djèdjè djo mèdjè té sa, mbata tar loi ang, a mbata djèdjè ndja djo tar la ase, djèdjè ngeré nè nto doou ke ndjè kadji ke tokoro ke nange nèn.

Jean 4:42 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Lugu 2:32

Kaji nee le to lokarə gə a tɔji dəwje gə ꞌgərə Luba ang tɔ̰y mba kar gər-i nee A to ne riɓar lə Ijirayɛl, dəwje lə-i.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 11:17

Logə Jeju ce təsərə ɗaa, o to gə ꞌdubu Lawjar nam, ɗa ndɔ sɔɔ ngaa.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 4:29

ꞌƊeje oje dəw gə ɔr gəl kula ɗa-m kɔdɛ-kɔdɛ ar-m nee. N-a to gə Kirisi ang ja baa wa?

Jean 4:41

Ɗaa dəwje bula ya̰ ꞌta kagə Kirisi mba tar pa lə-a.

Koula 13:23

Be ɓa gəl kuji gə Dabidi ɓa Luba uwa dɔ gɔl Jeju ar d-uji-e gə njekaji dəwje gə Ijirayɛl.

Koula 4:12

Dəw gə ɗangə kara gə kaji a kḭ rɔ-ɛ gə le godo, mba horo dəwje gə dɔ nangə nee le ri dəw kara gə j-a kaji ne godo.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

2 Corinthiendjé 5:19

Mba Luba um naa gə gə dəwje tɔ̰y ɗəw gə lə Kirisi, n-a tura ne go kal tar lə-je ang, ɗaa n-um tar kum naa gə ta-sijee gə.

1 Timoce 4:10

to gə ɓo ja ɗaje kula gə singa-si cibi ja ɗɔje mba j-unda mə-si dɔ Luba gə nje kisi kəm baa gə nama, ꞌne gə n-to Njekaji dəwje tɔ̰y, ngaa njetakagəje ja ɓa.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.