Jean 4:36 - Mbede Lə Luba Kone Gə Sigi

³⁶ njekunja ko inga lar dɔ ji-a ngaɓa mbo̰ kandə ko ndɔ dɔ naa gə mba təbə gə gə ndɔ gə ndɔ, mba kar Njedubu koje gə njekunja-a ꞌɗa ne rɔləl naa gə kara baa tɔ.

Testament ke Siki 1960 (Kabba Laka)

³⁶ Doou ke oudja ko inga kouka la, nè mbòn kandè mbata tébe ke ke ndò ke ndò. Tokou ban doou ke doubou ke doou ke oudja, dèdè dase kisi ke koukou naaté.

Jean 4:36 ပူးပေါင်းရင်းမြစ်များ

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Romaindjé 1:13

Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

1 Corinthiendjé 9:18

Ɗi ɓa gə nekuga dɔ ji-m wa? To gə mba kar m-ila mbərə Tar gə May le baa ja lal kar m-ta neje gə ɔji dɔ-m gə Tar gə May pa tar-ɛ le.

1 Thessaloniciendjé 2:19

Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju.

1 Timoce 4:16

May kar-i ngom rɔ-i ngaɓa ngom nendo lə-i. Ore kəm-i kəne. Ngaa ɓo, ꞌɗa be nama, ꞌi a kaji rɔ-i nəm ngaɓa nje gə d-o tar ta-i gə nəm tɔ.