Jean 4:10 - Mbede Lə Luba Kone Gə Sigi

¹⁰ Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

Testament ke Siki 1960 (Kabba Laka)

¹⁰ Jésus tél pa arè, Tokou i geré né kare ba lo Allah, ke nè ke mpa nari, Arem man maih, i a doudjè kèté, ke nè na kari man tébe.

Jean 4:10 ပူးပေါင်းရင်းမြစ်များ

Lugu 11:13

To gə ɓo sisəy gə ꞌtoje dəwje gə kṵra̰y baa ja, ꞌgərəje kar-je ngan si neje gə may-may ngaa ɓədə ɓa Bɔ-sijee Luba gə isi dara a kar Njil Njerɔsangə dəwje gə ꞌdəji-e ang wa?

Jean 16:3

D-a ɗa ne nee le to gə be mba ꞌgərə Bɔ dəwje ang nəm ꞌgərə-m ꞌma ang nəm tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 6:35

Jeju pa ar-je na: ꞌMa ja m-to gə mbə gə kar kisi gə təbə; dəw gə ɗe rɔ-m nama, ɓo a kɔr-ɛ ang ja saar, ngaɓa dəw gə ta kagə-m nama kunda a kɔr-ɛ ang ja saar tɔ.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Koula 9:11

Ɗaa Mbayɓe pa ar-ɛ na: Ḭ taar, aw ɗəw gə d-unda ri-a na to ndərəng, aw kəy lə Judas, ꞌdəji dəw kara ri-a na Sɔl gə Tarəsə.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 10:4

ngaɓa d-ay man gə kara baa ɗəw njil gə, mba d-ay man gə ɗəw njil gə ce mə kɔr ər gə gə nja ndole go-je, ngaɓa kɔr ər nee le to Kirisi.

2 Corinthiendjé 9:15

J-arə oyo Luba mba nekarə baa lə-a gə al dɔ lo.

Ephésiendjé 2:8

Be ɓa, mbɔr dɔ mənuji ɓa sisəy ajije ne kəbərə ɗəw takagə gə. Sisəy ɓa ngira kaji nee le ḭ rɔ-si gə ang, to nekarə baa lə Luba,

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 21:6

Ngaɓa n-pa n-ar-m na: Ɓɛlɛ ngaa. M-to Aləpa gə Omega, lo kuma kudu ne gə lo tɔl ngangə ne. Ye gə kunda ɔr-ɛ nama m-a kar-ɛ man gə a̰y kuji-kuji gə kar kisi kəm baa, gə a ndogo gə lar ang.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.