Jean 3:15 - Mbede Lə Luba Kone Gə Sigi

¹⁵ mba kar na-na ja ɓa ta kag-ɛ nama inga ne təbə gə gə ndɔ gə ndɔ.

Testament ke Siki 1960 (Kabba Laka)

¹⁵ Mbata doou ke wo mèa té, nè nase kisi tébe ke ndò ke ndò.

Jean 3:15 ပူးပေါင်းရင်းမြစ်များ

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Lugu 19:10

Mba ꞌma gə Ngon lə dəw m-ɗe mba sangə gə kaji nje gə d-igi.

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Koula 13:41

Oje gə maj-ɛ ɓa: Sisəy nje ɗa ngarje A kuwaje dɔ-si jim ɓa a ja̰rɛ̰je naa pəsəsə, Mba m-a ɗa kula dɔ ndɔje gə lə-si, Kula gə m-a ɗa le dəw ɗe tura go-e ar-si kara a taje kag-ɛ ang.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Romaindjé 5:21

Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

1 Corinthiendjé 1:18

Tar gə ɔji kagə dəsə le, to tar mbə baa kəm nje gə d-inga tuji gə, ngaa kəm sijee gə j-inga kaji ɗaa to gə singamongə lə Luba.

2 Corinthiendjé 4:3

Ngaa, to gə ɓo Tar gə May lə-sijee iya rɔ-ɛ nama, iya rɔ-ɛ ɔji dɔ nje gə d-igi,

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ebərəje 10:39

Sijee le, j-a to dəwje gə d-ɔr rɔ-je mba tuji ang, ngaa j-a to dəwje gə ta kagə mba kar kəm lə-si aji ne.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.