Jean 3:12 - Mbede Lə Luba Kone Gə Sigi

¹² Neje gə nangə nee ɓi ɓa m-pa tar-ɛ m-ar-si ɗaa ꞌtaje kagə-m ang nee, ngaa to gə ɓo m-a pa tar neje gə dara m-ar-si le se a taje kagə-m ja wa?

Testament ke Siki 1960 (Kabba Laka)

¹² Tokou ma mpa maresè né ke nange nèn a sésè woidjé ang, tokou ma mpa tar né ke dara maresè, a koidjé to di wa?

Jean 3:12 ပူးပေါင်းရင်းမြစ်များ

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Jean 3:8

Ləl ula gə lo gə m-e ja njigi, ar-i o kɔr-ɛ; ngaa ꞌgərə lo gə n-ḭ kəne ang nəm ꞌgərə lo gə n-aw gə kəne əng nəm tɔ. Dəw gə ɗa-ɗa ɓa Njil uji-e nama to to gə be ja tɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 5:11

Tar gə j-a pa ɔji dɔ-ɛ bula ya̰ ja ngaa lo kɔr gəl-e kədərə mba ko tar lə-si o̰ ya̰.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.