Jean 21:7 - Mbede Lə Luba Kone Gə Sigi

⁷ Be ɓa ngon njenendo gə Jeju njigi-e pa ar Piyɛr na: To gə Mbayɓe! Logə Simo Piyɛr tuga mbi-a o to gə to Mbayɓe ɗaa, n-tɔ kubu lə-a ɓər-e gə tub mba n-ar kud-e dum baa, ɗaa n-puda ji-a n-ur babo gə.

Testament ke Siki 1960 (Kabba Laka)

⁷ Tokou ban ndjè kao go Jésus té ke Jésus ndikè pa are Pierre, Yèn to Mbaibé Seigneur. Tokou ban, tokou Simon Pierre wo to Mbaibé Seigneur, nè noula koubou rè té, mbata nè néh ke gali ba, ke nè noso mè tokou man té.

Jean 21:7 ပူးပေါင်းရင်းမြစ်များ

Marəke 11:3

To gə ɓo dəw dəji si na: Mba ɗi ɓa ꞌtud-eje ne wa? Ila-je kəne na: Mbayɓe ɓa aw ndoo-e, ɗaa d-a kḭya̰-a gə tɔg-ɛ baa kar-si ꞌɗeje sə-a.

Lugu 12:35

Jeju pa ar ngan njenendoje lə-a na: Uwaje ur-si gə gagəra, ngaɓa undaje pər lambe gə lə-si ar-je ndogo gə maj-ɛ.

Lugu 2:11

Ɓogəne, mə ɓe gə lə mbay Dabidi, d-uji njekaji-si, ꞌne gə n-to Kirisi, Mbayɓe.

Lugu 7:47

Gəl-e gə nee ɓa, m-pa m-ar-i, neɗaje gə kṵra̰y lə-a gə bula le Luba ɔr tar-ɛ dɔ-ɛ gə, mba n-tɔji njigi gə to m-e gə. Ngaa to gə ɓo Luba ɔr tar neɗa gə kṵra̰y dɔ dəw gə njɛ̰ baa nama dəbe nee le tɔji njigi gə to m-e gə njɛ̰ baa ja tɔ.

Jean 13:23

Kara lə ngan njenendoje, ye gə Jeju njigi-e le, nduna rɔ-ɛ kar Jeju gə ta ka nekusa gə.

Jean 19:26

Logə Jeju o ko̰-ɛje gə ngon njenendo gə n-njig-e ya̰ gə ar mbɔr-ɛ gə ɗaa pa ar ko̰-ɛje na: Jene, ngon-i ɓa ar nee.

Jean 20:2

N-a̰y n-aw n-inga Simo Piyɛr je gə ngon njenendo gə kara gə to gə Jeju njigi-e ɗaa n-pa n-ar-je na: D-ɔr Mbayɓe le mə buwa yo gə ɗaa, ja gərə lo gə d-ila-a kəne ang!

Jean 20:20

Logə n-pa to gə be n-ar-je ɗaa, n-tɔji-je ji-a gə mbo kar-ɛ. Be ɓa, ngan njenendoje ꞌɗa rɔləl mba ko gə d-o Mbayɓe.

Jean 20:28

Toma ila kəne ɗaa pa ar-ɛ na: Mbayɓe lə-m, ngaɓa Luba lə-m!

Jean 21:20

Piyɛr turu go-e ɗaa o ngon njenendo gə Jeju njigi-e ya̰, ꞌne gə n-isi ta ka nekusa gə ɓa nduna rɔ-ɛ boro kar Jeju ɓa n-pa n-ar-ɛ na: Mbayɓe, na ɓa a kun dɔ-i wa?

Jean 21:24

Ngon njenendo gə nee le ja ɓa pa tar naji neje gə nee ngaɓa ɗa tar-ɛ mə mbede gə nee tɔ. Ɗaa ja gərə to gə tar naji lə-a le to tar gə tɔgərɔ.

Jean 21:8

Ngan njenendoje gə kɛm ꞌɗe gə ngon to ꞌndɔr ne bura gə kənji ɗusu njḭ, mba d-ar ta kungu gə dəb baa, asə ne gə mɛdərɛ tɔl je əng be.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

1 Corinthiendjé 15:47

Dɔngɔr dəw gə d-ɔr-ɛ nangə le, to dəw gə nangə nee. Njekum gə joo le ḭ dara.

2 Corinthiendjé 5:14

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

Jacques 2:1

Ngan ko̰-mje, takagə Mbayɓe lə-si Jeju Kirisi gə njerɔnduba gə ꞌtaje le, ꞌjungərije gə kɔr kəm dəwje ang.