Jean 21:25 - Mbede Lə Luba Kone Gə Sigi

²⁵ Jeju ɗa neje gə kɛm gə ɗangə bula ya̰ ja ɓi; to gə ɓo ꞌɗa kara kara tɔ̰y nama, m-əji to gə, dɔ nangə gə nee ja tɔ̰y kara, lo gə d-a kum mbedeje gə d-a ɗa le kəne a godo.

Testament ke Siki 1960 (Kabba Laka)

²⁵ Jésus da mare né nya, tokou dèdè nda maketourou té toï, mam ngeré ang tokou loou ase nange ndja ta taa maketourou ke dèdè da da.

Jean 21:25 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 19:24

M-təl m-pa m-ar-si ja cibi to gə, a to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə dara le ngangə ya̰ ja cibi.

Marəke 5:16

Nje gə d-o ne gə nday le, d-ɔr gəl ne gə ce dɔ dəw gə njilje ɗa ɓe m-e gə le, ngaɓa ne gə ɗa bərəje nəm d-ar-je.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 20:35

Ɗəw neje gə tɔ̰y le, m-tɔji-si to gə kəm kar dəw ɗa kula be ɓa a la ne gə njeɗəmje ngaɓa kole ne mə dɔ tarje gə lə Mbayɓe Jeju gə pa gə t-ɛ ja na: Kar ne dəw to nokarə ya̰ unda ta ne ji dəw gə.

Ebərəje 11:32

Ngaɓa ɗi gə ɗangə ɓa m-a pa cibi wa? Mba kar godo ɗaa lo kar m-pa ne tar lə nje gə ri-je to nee godo: Jedeyo̰, Barak, Samso̰, Jɛpəte, Dabidi, Samɛl ngaɓa pajambərəje