Jean 21:22 - Mbede Lə Luba Kone Gə Sigi

²² Jeju pa ar-ɛ na: To gə ɓo m-njigi mba kar n-aw kəm baa saar kar-m m-təl m-ɗe ngaa se ɗi ɓa ɔs-i kəne wa? Uwa go-m,

Testament ke Siki 1960 (Kabba Laka)

²² Jésus pa sa na, Tokou mam ndiki ta karè nisi sar ta mam ntél, tar nèn to loi wa? I ndja gom té.

Jean 21:22 ပူးပေါင်းရင်းမြစ်များ

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Matiye 24:27

Be ɓa, ɗe lə-m ꞌma gə Ngon lə dəw le a to to gə təl lə nji gə ndogo lo ce gə lə kar aw saar lo kuru nangə gə lə-a be.

Matiye 24:3

Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?

Matiye 24:44

Gəl-e gə ne ɓa, sisəy kara ar-je kɛgɛgɛ dɔ gɔl si gə, mba ꞌma gə Ngon lə dəw m-a ɗe gə dɔ kar gə a kəjije kəne ang.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 8:22

Ngaa Jeju ila-a kəne na: Iya̰ nje gə d-uy ar-je ꞌdubu yo lə-je, ꞌi ɗaa uwa go-m.

Marəke 9:1

Jeju təl pa ar-je ja cibi na: Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar, d-a ko ɓeko̰ lə Luba gə a ɗe gə singamongə gə kəm-je.

Jean 21:19

N-pa to gə be mba kɔr ne gəl-e se yo gə ban Piyɛr a kuy mba kila ne riɓar dɔ Luba gə wa? Go tar gə n-pa to gə be ɗaa, n-pa n-ar-ɛ na: Uwa go-m.

Jean 21:21

Logə Piyɛr o-e ɗaa, dəji Jeju na: Mbayɓe, ngaa ꞌne gə nee le, ɗi ɓa a ce dɔ-ɛ gə wa?

1 Corinthiendjé 11:26

Mba kusa ja usaje mbə gə nee ngaɓa kay ja ayje nekay gə nee le taar ja nama, ilaje mbərə kuy lə Mbayɓe saar mba kar təl ɗe ne.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

1 Thessaloniciendjé 2:19

Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju.

Jacques 5:7

Ngan ko̰-mje, uwaje mə-si ndəər, saar ndɔ ɗe lə Mbayɓe. Oje njendɔ ngəbə kandə ne gə ar yororo gə ye gə dubu nangə, uwa məndəər saar kar-ɛ inga man nji gə dɔngɔr, gə ta ngaw nji gə, gə ye gə ɗudu gə dɔ nay gə.

Jacques 5:8

Sisəy kara, uwaje mə-si ndəər, oreje ur-si ndəng, mba ndɔ ɗe lə Mbayɓe aw ɗe dəb ngaa.

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!

Apocalypse 2:25

Ne kara baa le, ne gə sisəy ingaje le, uwaje ngangə saar mba kar-m m-ɗe.

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.