Jean 21:19 - Mbede Lə Luba Kone Gə Sigi

¹⁹ N-pa to gə be mba kɔr ne gəl-e se yo gə ban Piyɛr a kuy mba kila ne riɓar dɔ Luba gə wa? Go tar gə n-pa to gə be ɗaa, n-pa n-ar-ɛ na: Uwa go-m.

Testament ke Siki 1960 (Kabba Laka)

¹⁹ Nè mpa yèn baa ta tòdjè deo kwoei la, ke nata kòsou gadji Allah. Gè té nè mpa yèn mbä, nè mpa narè, Ndja gom té.

Jean 21:19 ပူးပေါင်းရင်းမြစ်များ

Matiye 10:38

dəw gə un kagə dəsə lə-a ɓa uwa ne go-m ang nama asə to nje kar ꞌma ang tɔ.

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 8:22

Ngaa Jeju ila-a kəne na: Iya̰ nje gə d-uy ar-je ꞌdubu yo lə-je, ꞌi ɗaa uwa go-m.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 12:33

N-pa to gə be mba tɔji ne pa kuy gə n-a kuy.

Jean 18:32

To to gə be gə mba kar tar gə Jeju pa le aw ne lo-e gə yɛrɛrɛ, mba tɔji ne pa kuy gə n-a kuy.

Jean 21:18

Tar gə tɔgərɔ ja, m-pa m-ar-i, logə ꞌI ꞌnay basa̰ baa ɓi le ꞌI ja uwa ɓərə-i gə gagəra, ngaɓa lo gə mə-i njigi ja ɗaa aw kəne, ngaa logə a ɓuga ɗaa a kum ji-i yaw ɗaa dəw gə ɗangə ɓa a tɔ gagəra lə-i ɓərə-i gə mba kaw sə-i lo gə ꞌI a njigi ang baa.

Jean 21:22

Jeju pa ar-ɛ na: To gə ɓo m-njigi mba kar n-aw kəm baa saar kar-m m-təl m-ɗe ngaa se ɗi ɓa ɔs-i kəne wa? Uwa go-m,

Philippiendjé 1:20

gə go ne gə m-aw ngina ngaɓa gə go kunda mə lə-m ɗaa rɔ kul kara kara a kuwa-m ang. Ngaa ɓisine saar gə kede le d-a pidi Kirisi ɗəw gə lə-m gə ɓəəl ang, uji ne kuy lə-m ose kisi gə təbə lə-m;

2 Piyɛr 1:14

mba to gə Mbayɓe lə-si Jeju Kirisi pa ne kede ar-m le, m-gərə to gə ndɔ gə darɔ-m a kunda nangə nay ba̰y ang baa.