Jean 21:15 - Mbede Lə Luba Kone Gə Sigi

¹⁵ Lo gə d-usa ne ɗɔdə ɗaa, Jeju pa ar Simo Piyɛr na: Simo, ngon lə Ja̰, ꞌnjigi-m unda nje gə nee wa? N-pa n-ar-ɛ na: Oyo Mbayɓe! ꞌI le, ꞌgərə gə maj-ɛ to gə m-njigi-i! Jeju pa ar-ɛ na: Uul ngan badəmje lə-m.

Testament ke Siki 1960 (Kabba Laka)

¹⁵ Tokou ban, goukoudang dèdè dön mourou mbä, Jésus pa are Simon Pierre, Simon, ngon lo Jonas, i ndikim wotadè wa? Nè mpa sa, Tokoro, Mbaibé Seigneur, i geré mam ndiki. Jésus pa arè, Are mourou ngan batidjé lom.

Jean 21:15 ပူးပေါင်းရင်းမြစ်များ

Matiye 10:37

Dəw gə njigi bɔb-ɛje ose ko̰-ɛje ya̰ unda-m nama asə to nje kar ꞌma ang, ngaɓa dəw gə njigi ngon-e gə jingaw ose ye gə jene unda-m nama asə to nje kar ꞌma ang tɔ,

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Matiye 26:33

Piyɛr təl un tar pa ar Jeju na: A to jigi tuga koso lə-je tɔ̰y ja ɓa ngaa, a to kar ꞌma ɗɔg ang.

Matiye 26:35

Piyɛr təl ila-a kəne na: Kəm kuy kara kuy ja m-a kuy sə-i ɓo ɗɔg ɓa m-a ma̰y tar mbad-i ne ang. Kɛsə ngan njenendoje tɔ̰y kara ꞌpa to gə be tɔ.

Marəke 14:29

Piyɛr pa ar-ɛ na: Le ꞌto jigi tuga koso lə-je tɔ̰y ja kara, a to kar-m ꞌma ang.

Lugu 12:32

Sisəy gə ꞌtoje nekuulje gə njɛ̰, ar-je mə-si ila kasə ang, mba rɔ Bɔ-sijee ləl-e mba kar-si ɓeko̰ le.

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Jean 1:42

Be ɓa n-ɔr no-ɛ n-aw sə-a ɓe lə Jeju. Logə Jeju a-e jii ɗaa pa na: ꞌI to Simo, ngon lə Ja̰: D-a ɓar-i Sepas, kɔr m-e na: Kɔr ər.

Jean 13:37

Piyɛr təl dəji-e ɓi na: Mbayɓe, mba ɗi ɓa m-a kasə ndole go-i ɓisine ang wa? M-a kḭya̰ rɔ-m yag kar yo mba tar lə-i.

Jean 16:27

mba Bɔ dəwje gə darɔ-ɛ ja njigi-si mba ꞌnjigi-mje ɗaa ꞌtaje kagə-m to gə m-ḭ rɔ Luba gə.

Jean 21:12

Jeju pa ar-je na: ꞌƊe usaje ne. Dəw kara be horo ngan njenendoje asə dəji-e tar na: ꞌTo gə na wa? Be ang ja saar. Mba ꞌgərə som to gə Mbayɓe.

Jean 21:7

Be ɓa ngon njenendo gə Jeju njigi-e pa ar Piyɛr na: To gə Mbayɓe! Logə Simo Piyɛr tuga mbi-a o to gə to Mbayɓe ɗaa, n-tɔ kubu lə-a ɓər-e gə tub mba n-ar kud-e dum baa, ɗaa n-puda ji-a n-ur babo gə.

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 20:29

ꞌMa m-gərə to gə logə m-a kaw nama, njagəmanjɛrje gə to ɓəəl d-a kandə horo-si gə mba busu nekuulje,

Romaindjé 14:1

Uwaje njembɔrɛ gə ɗəw takagə gə gə rɔ-si gə maj-ɛ, ꞌpaje sə-a mba kəji lə-a ang.

Romaindjé 15:1

Ngaa sijee gə j-uba singa le, to tar lə-si kar j-a la gə njembɔrɛje, ngaɓa j-a sangə ne gə ləl-si ang.

1 Corinthiendjé 8:11

Be ɓa nje tɔgə godo uba tuji gə go negərə lə-i, ngon ko̰-si gə Kirisi uy mba tar lə-a le!

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Ephésiendjé 6:24

May kar mənuji nay gə dəwje tɔ̰y gə ꞌnjigi Mbayɓe lə-sijee Jeju Kirisi gə pa njigi gə unda nangə ang.

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

1 Piyɛr 1:8

O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

1 Piyɛr 2:2

Ngaa ɗəw kara baa to gə ngan tayje ꞌnjigi ne mbaa be le, ar-je ɓo mbaa gə arə ngadə, gə to tar lə Luba ɔr-si, mba kar mbɔr dɔ-ɛ ɗaa ꞌtɔgəje ne ɓo ingaje ne kaji,

1 Piyɛr 2:25

Mba ꞌnayje to gə badəmje gə d-igi be, ngaa ɓisine ɗaa ꞌtəlje dɔ-si gə ɓə lə njekuul-si ngaɓa nje tɔsə kəm-e dɔ kəm gə lə-si nəm tɔ.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.