Jean 21:12 - Mbede Lə Luba Kone Gə Sigi

¹² Jeju pa ar-je na: ꞌƊe usaje ne. Dəw kara be horo ngan njenendoje asə dəji-e tar na: ꞌTo gə na wa? Be ang ja saar. Mba ꞌgərə som to gə Mbayɓe.

Testament ke Siki 1960 (Kabba Laka)

¹² Jésus pa aredè, Edéidjé öndjé mourou. Mare ndjè kao gè té kada ase ta doudjè ang, I to doou di wa? Mbata dèdè ngeré to Mbaibé Seigneur.

Jean 21:12 ပူးပေါင်းရင်းမြစ်များ

Matiye 22:46

Dəwje ꞌɓəəl mba dəji-e tar. Un kud-e dɔ ndɔ-ɛ gə əng le, dəw kara kara asə dəji-e tar ang ngaa.

Marəke 9:32

Ngan njenendoje gərə mə tar gə nee le ang, ngaa ꞌɓəəl mba dəji-e.

Lugu 9:45

Ngaa ngan njenendoje ꞌgərə mə tar nee le ang, ɗaa tar le iya rɔ-ɛ kəm-je gə gə kiya, mba kar ꞌgərə gəl-e ang; ɗaa ꞌɓəəl mba dəji-e gəl-e.

Jean 16:19

Jeju gərə to gə ꞌnjigi mba dəji-e tar ɗaa, ye pa ar-je na: ꞌDəjije naa tar horo-si gə ɔji dɔ tar gə m-pa na: Ɓəl be ɗaa a ko-mje ta kəm-si gə ang magə, cibi ngaɓa ɓəəl be ɗaa a ko-mje.

Jean 21:11

Simo Piyɛr al mə to gə ɗaa, ndɔr bura gə kənjije gə boy-boy ja tɔl gə dɔg gə mi gə gir-e gə munda kəne um nangə, ngaɓa kənjije gə kobəre ja kən ngaa bura cil ang magə.

Jean 21:15

Lo gə d-usa ne ɗɔdə ɗaa, Jeju pa ar Simo Piyɛr na: Simo, ngon lə Ja̰, ꞌnjigi-m unda nje gə nee wa? N-pa n-ar-ɛ na: Oyo Mbayɓe! ꞌI le, ꞌgərə gə maj-ɛ to gə m-njigi-i! Jeju pa ar-ɛ na: Uul ngan badəmje lə-m.

Jean 4:27

Lo-e gə nee ɗaa, ngan njenendoje ꞌce pɔɔ, ɗaa lo tar igi-je sɛl mba tar gə n-ar n-aw n-pa gə jene gə nee le. Be ja kara, dəw kara be kara dəji-e tar na: Ɗi ɓa ꞌsangə wa, ose tar gə ɔji dɔ ɗi ɓa ꞌpa sə-a wa be ang nəm tɔ.

Koula 10:41

n-ar dəw mə ɓeje tɔ̰y ang ngaa n-ar njetar najije gə Luba mbərə-je kede ləw baa, sijee gə j-usa gə j-ay sə-a j-o-e go ce buwa yo gə lə-a.