Jean 20:31 - Mbede Lə Luba Kone Gə Sigi

³¹ Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Testament ke Siki 1960 (Kabba Laka)

³¹ Tar nèn nda maketourou té, baa sésè asidjé ko mèsè té Jésus to da rò Christ, Ngon lo Allah, mbata sésè woidjé mèsè té, sésè asidjé kinga tébe ke ria.

Jean 20:31 ပူးပေါင်းရင်းမြစ်များ

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 1:4

mba kar-i gərə to gə netɔji gə tɔgərɔ ja inga.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 1:49

Nataniyɛl təl pa na: Njenetɔji, ꞌI le ɓa ꞌto gə ngon lə Luba, ꞌI le ɓa ꞌto gə mbay gə Ijirayɛl.

Jean 10:10

Njeɓogo ɗe gə mba ɓogo gə ɓogo, gə mba tɔl gə tɔl, ngaɓa gə mba busu ne gə busu ja baa. ꞌMa m-ɗe gə mba kar dəwje d-inga təbə, ngaɓa kar d-inga gə dɔ mar-ɛ dɔ mar-ɛ gə.

Jean 19:35

Ye gə o-e le to gə nje pa tar naji ɗaa, tar naji lə-a le to tar gə tɔgərɔ; ꞌne le, n-gərə to gə n-pa tar gə tɔgərɔ, mba kar-sisəy kara ꞌtaje ne kagə tɔ.

Jean 20:28

Toma ila kəne ɗaa pa ar-ɛ na: Mbayɓe lə-m, ngaɓa Luba lə-m!

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 3:16

Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Koula 8:37

Pilibi pa na: To gə ɓo ꞌta kagə gə dɔ ɓəngər-i tɔ̰y tɔgərɔ nama ɗəw to ja. ꞌMbakudu le ila kəne na: M-ta kagə to gə Jeju Kirisi to gə ngon lə Luba ja.

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

1 Piyɛr 1:9

Mba ingaje ne takagə lə-si gə to kaji lə kəm lə-si.

1 Jean 4:15

Dəw gə pa gə t-ɛ na Jeju to Ngon lə Luba nama, Luba isi m-e gə ngaɓa dəb-e le um naa gə Luba gə tɔ.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

2 Jean 1:9

Dəw gə ɗa-ɗa ɓa ar əw, cibi ngom nendo lə Kirisi ang nəm nama, Luba godo m-e gə. Dəw gə ngom nendo nama Bɔ je gə Ngon d-isi m-e gə.

Apocalypse 2:18

ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee: