Jean 2:16 - Mbede Lə Luba Kone Gə Sigi

¹⁶ Cibi Jeju təl pa ar nje ɗabə dərje na: Odoje neje gə nee gə tɔg-ɛ lo gə nee gə gə ɗaga, ꞌɗaje kəy lə Bɔy gə kəy ne ndogo ang.

Testament ke Siki 1960 (Kabba Laka)

¹⁶ Nè mpa nare dèdè ke dao nlabe derdjé, Ounidjé nédjé nèn toï ongidjé daka, edaidjé kei lo Bòi tokou kei né ndoko ang.

Jean 2:16 ပူးပေါင်းရင်းမြစ်များ

Matiye 21:12

Jeju andə mə kəy gə lə Luba. N-tɔbə nje ɗabə neje gə nje ndogo neje lo-e gə nee, n-kunda bəgərə lə njembəl larje gə dɔ nekisi nje ɗabə dərje n-tila.

Matiye 21:13

Ngaɓa n-təl n-pa n-ar-je na: ꞌƊa mə mbede gə na: Kəy lə-m le d-a ɓar-ɛ kəy dəji Luba. Ngaa sisəy ꞌɗaje gə buja lə nje ɓogoje.

Matiye 22:5

Ngaa kəm-je cɛdə kəne ang, d-ɔdə d-aw, dəw gə nee aw ndɔɔ lə-a, dəw gə kən aw lo ɗabə ne ndogo gə lə-a.

Marəke 11:17

N-tɔji-je ne ngaɓa n-pa na: ꞌƊa mə mbede gə na: Kəy lə-m le d-a ɓar-ɛ kəy dəji Luba ɔji dɔ gəl kuji dəwje tɔ̰y. Ngaa sisəy ꞌɗaje gə buja lə nje ɓogoje.

Lugu 2:49

Jeju pa ar-je na: Se ꞌsangə-mje mba ɗi wa? Se gərəje to gə to tar lə-m kar m-a ɗa kula lə Bɔ-mje ang wa?

Jean 10:29

Ne gə Bɔy gə ar-m le, to ɓəəl unda neje tɔ̰y ngaɓa dəw kara kara singamong-ɛ asə kɔr ne kara mə ji Bɔy gə ce ne ang.

Jean 2:15

Jeju un ndəy tɔbə neje tɔ̰y mə kəy gə lə Luba um-je ɗaga, gə mangəje, gə badəmje lə-je; ngaɓa n-ja̰rɛ̰ lar lə njembəl larje kɔrɔ, n-kunda ne bəgərə ɗabə neje lə-je n-tila.

Jean 20:17

Jeju pa ar-ɛ na: Ɔr rɔ-m ang, mba m-aw ɓə lə Bɔ dəwje ang baa ɓi. Ɗaa aw inga ngan ko̰-mje ꞌpa ar-je to gə m-aw gə rɔ Bɔy gə, gə Bɔ-sisəy-je gə ngaɓa Luba lə-m gə Luba lə-sisəy tɔ.

Jean 5:17

Ngaa Jeju ila-je kəne na: Saar ɓisine, Bɔy ar ta kula gə ja ɓi, ngaɓa ꞌma kara m-ar ta kula ja ɓi tɔ.

Jean 8:49

Jeju ila kəne na: ꞌMa le, njil gə kṵra̰y godo mə-m gə; ngaa Bɔy ɓa m-ɗɔy-ɛ, ɗaa sisəy, ꞌɗɔy-mje gə ang.

1 Timoce 6:5

ma̰y tar gə sṵra̰ godo horo dəwje gə kəji negərə lə-je uy mbudugu, ar tar gə tɔgərɔ godo mə-je gə, ngaɓa d-o tar kila kuji dɔ ne gə lə Luba to gə ɗəw nekuga dɔ ji lə-je.

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.