Jean 2:11 - Mbede Lə Luba Kone Gə Sigi

¹¹ Ye gə nee ɓa to gə kun kudu netɔjije gə Jeju ɗa mə ɓe gə Kana, dɔ nangə gə Galile. Jeju tɔji rɔnduba lə-a gə ɗaga, ɗaa ngan njenendoje lə-a ꞌta ne kag-ɛ.

Testament ke Siki 1960 (Kabba Laka)

¹¹ Né mori ke dongor nèn Jésus da Cana té ke Galilée, tokou ban nè ntòdjou ndokoo la, ke ndjè kao gè tédjé wo mèdè té sa.

Jean 2:11 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 1:43

Lokar-ɛ, logə Jeju njigi kaw gə Galile ɗaa, inga Pilibi, ɗaa pa ar-ɛ na: Uwa go-m.

Jean 1:50

Jeju ila kəne na: Mba m-pa na m-o-i kɔy tungu gə ɓa um mə-i kəne nee ɗaa, a ko neje gə to ɓəəl ya̰ ja ɓi!

Jean 10:41

Dəwje bula ya̰ ꞌɗe rɔ-ɛ gə ɗaa ꞌpa na: Tɔgərɔ ja, Ja̰ le ɗa netɔji kara ang ja saar, ngaa tar tɔ̰y gə n-pa ɔji dɔ dəw gə nee le, to tar gə tɔgərɔ ja.

Jean 11:15

Ngaɓa rɔ-m ndɔɔ ya̰ ɔji dɔ sisəy mba godo gə m-godo kəne, mba kar-sisəy ꞌtaje ne kagə-m. Ngaa j-awje rɔ-ɛ gə.

Jean 11:47

Ye əng ngaa, buba njekapoloje gə Parijiyɛ̰je d-uwa dɔ naa no ngɔ gangə tar gə lə Jiibije ɗaa ꞌpa na: Ɗi ngaa j-a ɗa wa? Mba dəw gə nee le ɗa netɔjije bula ya̰ ngaa.

Jean 12:18

Gəl-e gə nee ɓa bula dəwje ꞌɗe ne rɔ-ɛ gə, mba d-o tar netɔji gə nee gə n-ɗa le.

Jean 12:37

Gə go netɔjije tɔ̰y gə Jeju ɗa ta kəm dəwje gə nee ja kara, ꞌta kag-ɛ ang.

Jean 12:41

Tar gə nee le Ejay pa to gə be mba ꞌne n-o rɔnduba lə-a ngaɓa n-pa tar gə ɔji dɔ-ɛ tɔ.

Jean 14:13

Ne tɔ̰y gə a dəjije gə ri-m le, m-a ɗa mba kar Bɔ dəwje inga rɔnduba ɗəw gə lə Ngon.

Jean 16:27

mba Bɔ dəwje gə darɔ-ɛ ja njigi-si mba ꞌnjigi-mje ɗaa ꞌtaje kagə-m to gə m-ḭ rɔ Luba gə.

Jean 16:30

ɓisine ɗaa ja gərə to gə ꞌI le, ꞌgərə neje tɔ̰y ɗaa aw ndoo mba kar dəw kara dəji tar ang. Be ɓa, ja ta kag-i to gə ḭ rɔ Luba gə.

Jean 2:1

Ndɔ gə njekum gə munda ɗaa, dəwje d-aw ta naa mə ɓe gə Kana dɔ nangə gə Galile. Ko̰ Jeju je kara ga̰ kəne tɔ.

Jean 2:23

Logə Jeju isi mə ɓe gə Jerujalɛm, mba ɗa nay pagə le, dəwje bula ya̰ ꞌta kagə gə ri-a, mba d-o netɔjije gə n-ɗa.

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Jean 4:3

N-ɔdə dɔ nangə gə Jude n-təl n-aw dɔ nangə gə Galile gugu.

Jean 4:46

Jeju təl aw ɓebo gə Kana dɔ nangə gə Galile lo gə n-ɗa man n-ar təl kodo kəne le. Dəw kara mə ɓe gə Kapɛrənom, to Njekun dɔ njeɗɔje lə mbay, ɗaa rɔ ngon-e gə jingaw to-e.

Jean 4:54

Ye gə nee ɓa to gə netɔji gə njekum gə joo gə Jeju ɗa to gə ɗangə lo gə n-ḭ dɔ nangə gə Jude n-təl n-aw dɔ nangə gə Galile gugu.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Jean 6:14

Logə dəwje d-o netɔji gə Jeju ɗa ɗaa, ꞌpa na: ꞌNe ja n-to pajambərə gə a ɗe dɔ nangə gə nee to gə tɔgərɔ.

Jean 6:2

Bula dəwje d-uwa go-e mba d-o netɔjije gə n-ɗa dɔ njerɔko̰je gə.

Jean 6:26

Jeju ila-je kəne na: Tar gə tɔgərɔ ja, m-pa m-ar-si, ꞌsangə-mje mba netɔjije gə oje ang, ngaa mba mbə gə usaje ar-je mə-si ci tub-tub.

Jean 6:30

Be ɓa ꞌpa d-ar-ɛ na: Ngaa, ꞌI le, netɔji gə ban ɓa ꞌɗa mba kar-sijee j-o ɓa j-a ta ne kag-i wa? Ɗi ja ɓa to ne gə ꞌɗa wa?

Jean 7:31

Dəwje ya̰ dan bula dəwje gə ꞌta kag-ɛ ɗaa ꞌpa na: Logə Kirisi a ɗe le se, ye a ɗa netɔjije ya̰ kunda kar dəw gə nee ja cibi wa?

Jean 9:16

Horo Parijiyɛ̰je gə le, nje gə naaje ꞌpa na: Dəw gə nee le ḭ rɔ Luba ang baa, mba n-ila kuji dɔ ndɔ kuwa kɔr gə ang. Nje gə ɗangə ꞌpa na: Dəw gə njeneɗa gə kṵra̰y a ɗa ban ɓa a kasə ɗa netɔjije gə to gə be wa? Ɗaa kay naa ɗe to horo-je gə

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

2 Corinthiendjé 4:17

Mba nekəmandooje gə ɗa si dɔ ndɔ gə ɓisine nee le, kur-e a kəw ang, ngaɓa ɔlɛ pɛl-pɛl baa, gə asə kuwa kɔji ne riɓar gə ndɔ gə ndɔ gə to gə ndər-e baa, gə nekəmandooje nee gɔl ɔji dɔ-si.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

1 Jean 5:13

Gəl-e gə nee ɓa, m-ɗa ne mbede m-pa ne tar neje m-ar-si mba kar ꞌgərəje to gə ingaje təbə gə gə ndɔ gə ndɔ le nam, sisəy gə ꞌtaje kagə gə ri Ngon lə Luba.