Jean 19:30 - Mbede Lə Luba Kone Gə Sigi

³⁰ Lo gə Jeju ibi man bḭyə̰ nee le ɗaa pa na: Ne tɔ̰y aw lo-e gə ngaa. Ngaɓa n-ula dɔ-ɛ nangə ɗaa, kəm lə-a ce.

Testament ke Siki 1960 (Kabba Laka)

³⁰ Tokou ban, gè té ke Jésus aih vin ke mase mbä, nè mpa Bè nga. Nè noula dè, nè noula ndii la.

Jean 19:30 ပူးပေါင်းရင်းမြစ်များ

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 27:50

Jeju təl uru ꞌkuwi ɓolong to gə ɗangə ngaɓa kəm lə-a oso.

Matiye 3:15

Jeju təl ila kəne na: Dɔ kar gə nee ɗaa iya̰ ar to to gə be. Mba j-a ɗa ne ne tɔ̰y gə to gadə-gadə. Ɗaa n-njigi sə-a.

Marəke 15:37

Jeju ila ndu-e nangə ɓolong ɗaa kəm lə-a ce.

Lugu 22:37

Mba, m-pa m-ar-si, may kar ne gə Mbede pa tar-ɛ ɔji dɔ-m na: ꞌTura-a horo nje tɔl dəwje gə. Tar nee le oso kəne paragə ɓa.

Lugu 23:46

Jeju ɗa ne gə ndu-e gə boy wəəl na: Bɔy, m-ila njil-m mə ji-i gə. Logə n-pa tar nee n-ila nangə ɗaa, kəm lə-a ce.

Jean 10:11

ꞌMa m-to gə njenekuul gə may; njenekuul gə may ḭya̰ rɔ-ɛ ar yo mba badəmje lə-a.

Jean 10:18

Dəw kara kara ɔr təbə lə-m ang, ngaa ꞌma ja gə dɔ-m m-ḭya̰ təbə lə-m m-ila kɔrɔ; M-aw gə singamongə mba kḭya ne təbə lə-m kila kɔrɔ ngaɓa m-aw gə singamongə mba təl kinga ne to gə ɗangə tɔ; ye gə nee ɓa to gə ndu gə m-inga ta Bɔy gə.

Jean 17:4

ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ.

Jean 19:28

Go-e gə gugu, mba kar tar lə Luba aw ne lo-e gə yɛrɛrɛ le ɗaa, logə Jeju o to gə neje uwa ta naa bɛm ɗaa, pa na: Kunda ɔr-m.

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Romaindjé 10:4

mba Kirisi ja tɔl ta torondu mba kar dəw gə ɗa-ɗa gə takagə to ne dəw gə gadə-gadə.

Romaindjé 3:25

ꞌNe gə Luba un-e gə nepolo, ɔji dɔ dəwje gə ꞌta kagə məs-e mba tɔji ne gadə-gadə lə-a. Mba kede ləw ja kara n-ila m-e dɔ mar-ɛ gə lal gangə tar dɔ neɗaje gə kṵra̰y gə lə dəwje,

1 Corinthiendjé 5:7

ꞌSangəje rɔ-si dɔ guway kodo gə ləw gə ɓo ꞌtoje ne mbə gə mbɔ̰y to gə sigi, be ɓa guway kodo godo rɔ-si gə; mba Kirisi gə to Pagə lə-sijee le d-un-e gə nepolo.

Philippiendjé 2:8

n-ula dɔ-ɛ ngulum gə darɔ-ɛ ja, n-oso ne kul saar n-uy ne, n-uy kagə dəsə gə.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 9:22

Be ɓa məsə togo neje tɔ̰y gə go ndu mba d-a kɔr tar dɔ dəw gə lal kay məsə nangə ang.