Jean 18:8 - Mbede Lə Luba Kone Gə Sigi

⁸ Jeju ila kəne na: M-pa m-ar-si nam, to gə ꞌma ja. Ngaa to gə ɓo ꞌma ɓa ꞌsangə-mje nama, ḭya̰-je ꞌje gə nee ar-je d-aw lo lə-je.

Testament ke Siki 1960 (Kabba Laka)

⁸ Jésus tél tar, Ma mpa maresè ma méh nèn. Tokou ban, tokou sésè esangemdjé, ïyaidjédè dèdè nèn, aredè dao.

Jean 18:8 ပူးပေါင်းရင်းမြစ်များ

Matiye 26:56

Ngaa neje nee tɔ̰y ɗe to gə be mba kar tarje tɔ̰y gə pajambərəje ꞌpa le aw ne lo-e gə yɛrɛrɛ. Be ɓa ngan njenendoje lə-a tɔ̰y ja d-a̰y d-iya̰-a.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Jean 13:1

Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Jean 13:36

Simo Piyɛr dəji-e na: Mbayɓe, aw gə ɗa wa? Jeju ila-a kəne na: Lo gə m-aw gə kəne le ꞌI a kasə ndole go-m kəne ɓisine ang baa. Ngaa kuru lo a kəw ya̰ ɓa a ndole go-m ɓi.

Jean 16:32

Aje oje, kar ɗe, ɗaa kar le asə ngaa, kar-ɛ gə nee le d-a sɛ̰rɛ̰-si pə-pə, na-na kara a kun ɗəw lə-a ɗəw lə-a, ɗaa a kḭya̰-mje gə kar-m baa. Ngaa m-ga̰ gə kar-m ang, Bɔ dəwje ga̰ sə-m naa gə.

Jean 18:7

N-təl n-dəji-je to gə ɗangə cibi na: ꞌSangəje na wa? Ɗaa n-pa na: Jeju ngon njeɓe gə Najarɛd.

Jean 18:9

To to gə be mba kar tar gə n-pa le aw ne lo-e gə yɛrɛrɛ: ꞌJejee tɔ̰y gə um-je mə ji-m gə le, dəw kara kara igi ji-m gə ang.

1 Corinthiendjé 10:13

Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

2 Corinthiendjé 12:9

ngaa n-ila-m kəne na: Mənuji lə-m ja as-i mbagə, mba ɗəw tɔgə godo gə ja ɓa m-tɔji ne singamongə-m. Be ɓa tɔgə godo ja ɓa m-a kɔsə ne rɔ-m, mba kar singamongə Kirisi dəbə ne dɔ-m gə.

Ephésiendjé 5:25

Jingawje, na-na kara njigi jene lə-a to gə Kirisi njigi ne mbo̰ naa lə njetakagəje ɓa, ye ja gə dɔ-ɛ, un rɔ-ɛ ar mba tar lə-a,

1 Piyɛr 5:7

Ḭya̰je tar kəjije gə dum dɔ-si tɔ̰y mə ji-a gə, mba n-to nje gədə-si.