Jean 18:4 - Mbede Lə Luba Kone Gə Sigi

⁴ Jeju gərə neje tɔ̰y gə a ce dɔ-ɛ gə le ɗaa, ɔdə gə kede ɗaa dəji-je tar na: ꞌSangəje na wa?

Testament ke Siki 1960 (Kabba Laka)

⁴ Tokou ban, mbata Jésus geré né toï ke ao dé dè té, nè ntéh ke daka mè ndòò té, nè mpa naredè, Doou di a sésè ao esangèdjé wa?

Jean 18:4 ပူးပေါင်းရင်းမြစ်များ

Matiye 16:21

Uma kud-e dɔ ndɔ-ɛ əng ja Jeju un kudu tɔji ne ngan njenendoje lə-a: To may kar n-aw Jerujalɛm mba ko ꞌməsərə ji buba ɓeje gə nəm, gə ji buba njekapoloje gə ngaɓa gə ji njekɔr gəl toronduje gə nəm tɔ. D-a ɗa kar ꞌtɔl ꞌne ngaɓa ndɔ gə njekum gə munda nama n-a təl ndol ɓi.

Matiye 26:2

ꞌGərəje to gə ndɔ ɗa Pagə nay ndɔ joo baa, ngaɓa d-a kun dɔ-m ꞌma gə Ngon lə dəw kar-je d-a ɓərə-m kagə dəsə gə.

Matiye 26:21

Logə d-aw d-usa ne ɗaa, n-un tar n-pa n-ar-je na: Tar gə tɔgərɔ ja, m-pa m-ar-si to gə dəw kara horo-si gə a kun dɔ-m.

Matiye 26:31

Be ɓa Jeju un tar pa ar-je na: Cil ne ja, m-a təl to jigi tuga lə-si tɔ̰y, mba ꞌpa mə mbede gə na: M-a kunda njekuul daje ɗaa badəmje lə-a d-a jɛ̰rɛ̰ naa.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 13:1

Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Jean 13:11

Dəw gə a kun dɔ-ɛ le ɗaa ꞌne gər-e som; gəl-e gə nee ɓa n-pa nena: Ar-je ngadə tɔ̰y ang baa.

Jean 18:5

D-ila-a kəne na: Jeju, ngon njeɓe gə Najarɛd. N-ila-je kəne na: ꞌMa ja m-ar nee. Judas gə njekun dɔ-ɛ le kara ar gə je naa gə tɔ.

Jean 18:7

N-təl n-dəji-je to gə ɗangə cibi na: ꞌSangəje na wa? Ɗaa n-pa na: Jeju ngon njeɓe gə Najarɛd.

Jean 19:28

Go-e gə gugu, mba kar tar lə Luba aw ne lo-e gə yɛrɛrɛ le ɗaa, logə Jeju o to gə neje uwa ta naa bɛm ɗaa, pa na: Kunda ɔr-m.

Jean 6:64

Ngaa nje gə kɛm horo-si gə nee ꞌta kagə-m ang. Mba Jeju gərə kede ləw baa, lo kuma kudu neje gə, nje gə ꞌta kag-ɛ ang, ngaɓa n-gərə dəw gə njekun dɔ-ɛ nəm tɔ.

Koula 2:28

ꞌTɔji-m ɗəw təbə ar-m nja kəne, A kar rɔləl ɗusu mə-m no-i gə.

1 Piyɛr 4:1

Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y,