Jean 17:5 - Mbede Lə Luba Kone Gə Sigi

⁵ Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Testament ke Siki 1960 (Kabba Laka)

⁵ Loshénè, Bòi, òsou gadjim ke ròi té ndja, piti ke ta karem nto deo kadaba tokou ma misi sei dongor leo baa gòl nange nèn to.

Jean 17:5 ပူးပေါင်းရင်းမြစ်များ

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:30

ꞌMa je gə Bɔy j-a to gə kara baa.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 17:1

Go tar gə n-pa to gə be ɗaa, Jeju un kəm-e gə dara ɗaa pa na: Bɔ dəwje, kar asə ngaa, ila riɓar dɔ Ngon-i gə mba kar Ngon-i ila riɓar dɔ-i gə tɔ.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Jean 3:13

Dəw kara be gə ḭ nangə nee aw dara o lo gə kəne le godo, ngaa Ngon lə dəw gə ḭ dara ɗe dɔ nangə gə nee le, ye ja gə kar-ɛ baa.

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

Philippiendjé 2:6

ꞌne gə n-asə naa gə Luba, n-njigi mba kisi lo kasə naa gə lə-a gə Luba ang,

Ebərəje 1:10

Cibi ngaɓa Mbayɓe, to ꞌi ja ɓa un kud-e unda dɔ nangə, ngaɓa dara gə neɗa ji-i;

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Jean 1:2

Təbə le tɔji rɔ-ɛ ar j-o, ngaɓa sijee j-a to njetar naj-ɛje, ɗaa j-ila mbərə təbə gə to ndɔ gə ndɔ j-ar-si, ngaɓa təbə nee le ga̰ naa gə kara baa gə Bɔ dəwje, ꞌne gə tɔji rɔ-ɛ gə ɗaga kəm sijee gə.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.