Jean 17:4 - Mbede Lə Luba Kone Gə Sigi

⁴ ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ.

Testament ke Siki 1960 (Kabba Laka)

⁴ Ma mòsou gadji i nange nèn, mbata mam nda koula ase ke i arem ta karem nda mbä.

Jean 17:4 ပူးပေါင်းရင်းမြစ်များ

Lugu 22:37

Mba, m-pa m-ar-si, may kar ne gə Mbede pa tar-ɛ ɔji dɔ-m na: ꞌTura-a horo nje tɔl dəwje gə. Tar nee le oso kəne paragə ɓa.

Jean 12:28

Bɔ dəwje, ila riɓar dɔ ri-i gə! Be ɓa ndu ḭ dara ɓar na: M-ila riɓar dɔ-ɛ gə, ngaɓa m-a kila riɓar dɔ-ɛ gə ja ɓi.

Jean 14:13

Ne tɔ̰y gə a dəjije gə ri-m le, m-a ɗa mba kar Bɔ dəwje inga rɔnduba ɗəw gə lə Ngon.

Jean 14:31

ngaa, to to gə be mba kar dəwje d-a gərə ne to gə m-njigi Bɔ dəwje ngaɓa m-ɗa ne m-ila ne kɔji dɔ ne gə n-un ndu-e kəne n-ar-m. Ḭje taar! Ar-je j-ɔdə lo gə nee gə gə ɗangə.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Jean 19:28

Go-e gə gugu, mba kar tar lə Luba aw ne lo-e gə yɛrɛrɛ le ɗaa, logə Jeju o to gə neje uwa ta naa bɛm ɗaa, pa na: Kunda ɔr-m.

Jean 19:30

Lo gə Jeju ibi man bḭyə̰ nee le ɗaa pa na: Ne tɔ̰y aw lo-e gə ngaa. Ngaɓa n-ula dɔ-ɛ nangə ɗaa, kəm lə-a ce.

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Jean 5:36

Ngaa tar naji lə-m ꞌma to ɓəəl ya̰ unda kar Ja̰: Kulaje gə Bɔy um ji-m gə mba kar-m m-ɗa le, m-ɗa m-tɔl t-ɛ bɛm. Kulaje gə m-ɗa nee le ja ɗa tar naji lə-m to gə Bɔ dəwje ula-m.

Jean 9:3

Jeju ila kəne na: ꞌNe ang nəm ɓa, nje kuj-eje ꞌɗa neɗa gə kṵra̰y ang nəm tɔ. Ngaa to to gə be gə mba kar Luba tɔji ne kula ɗ-ɛje gə ɗaga ɗəw gə lə-a.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

2 Timoce 4:7

M-ɗɔ ɗɔ gə may, m-ce ɗudu ngɔdə gə lə-m, m-ngom takagə.