Jean 17:25 - Mbede Lə Luba Kone Gə Sigi

²⁵ ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Testament ke Siki 1960 (Kabba Laka)

²⁵ Bòi ke gaté gaté, dooudjé ke nange nèn geri leo ang, mam ngeri leo, ke dèdè nèn ngeré to i ndja oulam.

Jean 17:25 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:15

ɗəw kara baa to gə Bɔ dəwje gərə-m ꞌma ngaɓa ꞌma kara m-gərə Bɔ dəwje tɔ; ɗaa m-ḭya̰ rɔ-m m-ar yo mba badəmje lə-m.

Jean 15:21

Be ɓa neje tɔ̰y nee le d-a ɗa gə si ɔji dɔ ri-m mba ꞌgərə dəw gə njekula-m le ang.

Jean 16:27

mba Bɔ dəwje gə darɔ-ɛ ja njigi-si mba ꞌnjigi-mje ɗaa ꞌtaje kagə-m to gə m-ḭ rɔ Luba gə.

Jean 16:3

D-a ɗa ne nee le to gə be mba ꞌgərə Bɔ dəwje ang nəm ꞌgərə-m ꞌma ang nəm tɔ.

Jean 16:30

ɓisine ɗaa ja gərə to gə ꞌI le, ꞌgərə neje tɔ̰y ɗaa aw ndoo mba kar dəw kara dəji tar ang. Be ɓa, ja ta kag-i to gə ḭ rɔ Luba gə.

Jean 17:11

Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Jean 17:18

To gə ꞌI ula-m dɔ nangə gə le ɗaa, ꞌma kara m-ula-je dɔ nangə gə tɔ.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 3:17

Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a.

Jean 6:19

ꞌLəl to d-aw əw asə ne gə kula mɛdərɛ mi ose misa̰ be ɗaa, d-o Jeju gə nja dɔ man gə unda ta to dəb; ɗaa ɓəəl unda-je badə gangə-je,

Jean 7:29

ꞌMa le m-gər-e, mba m-ḭ rɔ-ɛ gə, ngaɓa ꞌne ja ɓa n-ula-m tɔ.

Jean 8:19

To gə be ɓa ꞌdəji-e na: Bɔ-ije ga̰ ɗa wa? Jeju ila kəne na: ꞌMa kara ꞌgərə-mje ang nəm Bɔy kara ꞌgər-eje ang nəm tɔ. To gə ɓo ꞌgərə-mje nama Bɔy kara a gər-eje tɔ.

Jean 8:55

Ɗaa sisəy ꞌgər-eje ang, ꞌma ɗaa m-gər-e. A to gə ɓo m-pa na m-gər-e ang nama m-a to njetar gə ɗəgərə to gə sisəy be. Ngaa m-gər-e ngaɓa m-ngom tar lə-a nəm tɔ.

Koula 17:23

Mba logə m-aw nday ɗaa m-o neje gə aw poloje ngaɓa m-inga no kɔgə kara d-unja ne kəne na: Kar magə gə dəw gər-e ang. Ne gə ꞌgər-eje ang gə ꞌpolo-eje nee le ɓa m-aw m-pa tar-ɛ m-ar-si.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 1:28

Be ɓa, mba d-o-je to gə gərə Luba ang ɓa gə ne gə may le ɗaa, Luba ḭya̰-je dan tar kəji lə-je gə gə mbɔr-ɛ baa nee le, ar-je ꞌɗa ne neje gə kəm ɗa ang;

Romaindjé 3:11

Dəw gə nje kəji negərə kara be ja godo, Dəw kara baa be gə nje sangə Luba kara godo. Tɔ̰y ja ꞌndəm, ꞌto neje gə baa ja,

Romaindjé 3:26

ɓogəne kara n-njigi mba tɔji gadə-gadə lə-a mba to ne gadə-gadə ngaɓa gə mba kar dəw gə ta kagə Jeju nama n-o-ɛ ne gadə-gadə tɔ.

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Thessaloniciendjé 1:8

n-a ɗe mə pər gə a ko̰ bilim-bilim, mba bɛ̰ ta dəwje gə gərə Luba ang, gə dəwje gə d-ila kuji dɔ Tar gə May gə lə Mbayɓe lə-si Jeju ang.

Ebərəje 8:11

Dəw a tɔji ne njemar-ɛ ang nəm, Ngaɓa ngon ko̰-ɛ ang nəm na: ꞌGərə Mbayɓe! Mba d-a gərə-m tɔ̰y, Un kud-e dɔ dəw gə naa gə saar ce ne dɔ nje gə tɔgə gə horo-je gə.

1 Jean 1:9

To gə ɓo j-a ce gə gəl rɔ-si dɔ neɗaje gə kṵra̰y gə lə-si nama, n-to njekila kuji dɔ ndu-e gə nəm ngaɓa n-to dəw gə gadə-gadə, n-a kɔr tar neɗa gə kṵra̰y dɔ-si gə ngaɓa n-a togo neje gə may ang gə to mə-sijee gə.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 16:5

Cibi, m-o ndu anji gə man pa na: ꞌTo dəw gə gadə-gadə, ꞋI gə ꞌga̰ ngaɓa ꞌga̰ kede ləw baa, ꞌI, Njerɔsangə, mba to gə be ɓa ꞌgangə ne tar.