Jean 17:23 - Mbede Lə Luba Kone Gə Sigi

²³ M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Testament ke Siki 1960 (Kabba Laka)

²³ Ma méh mèdè té, ke i éh mem té, mbata dèdè da kase ta dé madji toï ke rò ke kadaba, baa dooudjé ke nange nèn a kase ta geré to i ndja oulam, ke i ndikidè deo kadaba tokou i ndikim.

Jean 17:23 ပူးပေါင်းရင်းမြစ်များ

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 13:35

To gə ɓo ꞌnjigije naa gə yo gə nee nama, dəwje tɔ̰y d-a gərə to gə ꞌtoje gə ngan njenendoje lə-m.

Jean 14:10

ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Jean 15:9

Ɗəw kara baa to gə Bɔy njigi-m le ꞌma kara m-njigi sisəy tɔ; umje sə-m naa gə dɔ njigi gə lə-m.

Jean 16:27

mba Bɔ dəwje gə darɔ-ɛ ja njigi-si mba ꞌnjigi-mje ɗaa ꞌtaje kagə-m to gə m-ḭ rɔ Luba gə.

Jean 17:11

Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 3:17

Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a.

Jean 6:56

Dəw gə usa darɔ-m gə ay məsə-m nama isi mə-m gə, to gə ꞌma kara m-isi m-e gə tɔ.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Philippiendjé 3:15

Sijee tɔ̰y gə ja to dəwje gə may pɛdə le may kar kəji gə to gə be ɓa to mə-si gə, ngaa ɓo kəji lə-sisəy to dangə dɔ neje gə kɛm gə kara Luba a kila gəl-e gə ɗaga kar-si ɓi.

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

Colossiendjé 2:2

mba kar d-uba ne singa mə-je gə, kar kəji lə-je to ne kara baa dɔ njigi gə ngaɓa kar negərə ɗusu mə-je ar ꞌgərə ne ne lə Luba gə lo kiya-a gə, gə to Kirisi le,

Colossiendjé 3:14

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 1:3

Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

Apocalypse 3:9

A o, m-ar-i dəwje gə kəy nendo gə lə ꞌSu, dəwje gə ꞌɗa rɔ-je gə Jiibije, ngaa ꞌto Jiibije ang baa, ꞌto nje pa tar gə ɗəgərəje. O, m-a kar-je ꞌɗe d-um məkəji-je nangə no gɔl-i gə, ngaɓa d-a gərə to gə m-ɓol-i.