Jean 17:22 - Mbede Lə Luba Kone Gə Sigi

²² Rɔnduba gə ula dɔ-m gə le, ꞌma kara m-ula dɔ-je gə tɔ gə mba kar ꞌto gə kara baa to sijee ja to gə kara baa tɔ.

Testament ke Siki 1960 (Kabba Laka)

²² Ma maredè ndokoo ke i arem, baa ta kare dèdè dase ta kéh kadaba, deo kadaba tokou djè sei djéh kadaba.

Jean 17:22 ပူးပေါင်းရင်းမြစ်များ

Marəke 6:7

Be ɓa Jeju ɓar ngan njenendoje gə dɔg gə gir-je gə joo le ɗaa ula-je joo-joo, ar-je singamongə dɔ njilje gə kṵra̰y gə.

Lugu 22:30

Be ɓa, a kusaje gə a kayje sə-m naa gə kara baa mə ɓeko̰ gə lə-m, ngaɓa a kisije dɔ ngəndəngje gə mba gangə tar dɔ gəl kuji Ijirayɛlje gə dɔg gə gir-e gə joo.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:16

Be ɓa, gə go nebaw lə-a gə unda kubu le, sijee tɔ̰y j-inga ne ne ji-a gə ngaɓa mənuji lə-a kara j-inga gə dɔ mar-ɛ gə dɔ mar-ɛ gə nəm tɔ;

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Ephésiendjé 2:20

ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

Philippiendjé 1:29

mba d-ar-si ɗəw gə go mənuji lə Kirisi, kar ꞌtaje kag-ɛ ja kara baa ang ngaa kar oje məsərə mba tar lə-a tɔ,

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

1 Jean 1:3

Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.

1 Jean 3:24

Dəw gə ar dɔ ndu-e gə le, um naa gə gə Luba ngaɓa Luba kara um sə-a naa gə tɔ, ye ɓa sijee ja gərə ne to gə n-um gə si naa gə, ɗəw gə lə Njil gə n-ar-si.

1 Jean 4:17

Oje ne gə tɔji to gə njigi may ne ɔr njal mə-si gə le ɓa nee: mba sijee j-a ɓəəl ndɔ gangə tar le ang, j-a ɓəəl ang mba kaw kəm baa lə-si dɔ nangə nee to asə naa gə kar Jeju be tɔ.

Apocalypse 21:14

Ndogo bɔrɔ lə ɓebo le d-um kɔr ər nangə dɔg gə gir-e gə joo ɓa d-ɔsə gɔl-ɛ dɔ-ɛ gə, ɗaa kɔr ərje le, ꞌɗa ri njeka̰ykulaje lə ngon badəm gə dɔg gə gir-je gə joo kəne.