Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jean 17:21 - Mbede Lə Luba Kone Gə Sigi

21 May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

အခန်းကိုကြည့်ပါ။ ကော်ပီ

Testament ke Siki 1960 (Kabba Laka)

21 Tokou ban dèdè toï dase ta dé kadaba, deo kadaba tokou i, Bòi, éh mem té, ke ma méh mei té. Tokou ban dèdè dase ta dé kadaba mèdjè té to, baa dooudjé ke nange nèn a kase ko mèdè té to i ndja oulam.

အခန်းကိုကြည့်ပါ။ ကော်ပီ




Jean 17:21
37 ပူးပေါင်းရင်းမြစ်များ  

To gə ɓo dəwje gə ɓeko̰ gə kara baa tɔl naa nama, ɓeko̰ nee le a kɔsə ko̰.


Badəmje lə-m gə ɗangə ꞌga̰ kəne əng ɓi gə ꞌgodo mə kinga gə nee ɗaa ꞌje gə kən kara, may kar-m m-ɗe gə je; d-a ko ndu-m ɗaa d-a kum naa gə kuduɓe kara baa ngaɓa njekuul-je kara kara baa tɔ.


Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.


Kar-m ꞌma le ɗaa, m-gərə to gə o ndu-m ja jaga-jaga, ngaa m-pa ɔji dɔ bula dəwje gə d-ar lo gə nee gə mba kar ꞌta kagə to gə ꞌI ja ɓa ula-m.


To gə ɓo Luba inga riɓar ɗəw gə lə-a ꞌne nama, ꞌne kara n-a kinga riɓar ɗəw lə Luba tɔ, ngaɓa ɓisine baa ja Luba a kila riɓar dɔ-ɛ gə.


To gə ɓo ꞌnjigije naa gə yo gə nee nama, dəwje tɔ̰y d-a gərə to gə ꞌtoje gə ngan njenendoje lə-m.


Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.


To gə ꞌI ula-m dɔ nangə gə le ɗaa, ꞌma kara m-ula-je dɔ nangə gə tɔ.


M-dəji-i mba tar lə-ꞌjejee gə nee ja gə kar-je baa ang, ngaa m-dəji-i mba nje gə d-a ta kagə-m ɗəw kila mbərə gə lə-je.


ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.


Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.


mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.


Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a.


Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.


Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ.


Dəwje bula gə ꞌta kagə le, kəji lə-je gə mə-je to kara baa. Dəw kara kara ɔr kəm nekinga lə-a ɓədə ang nəm, ngaa neje to kara baa horo-je gə.


be ɓa sijee gə j-a bula le j-a to darɔ gə kara baa ɗəw gə lə Kirisi ngaɓa j-a to bar kəm rɔ naa gə yo gə nee.


Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.


Ɗəw kara baa, to gə darɔ kara baa ja ngaa bar kəm-eje bula, ngaɓa to gə bar kəm rɔje tɔ̰y, ꞌbula ja ngaa ꞌto darɔ gə kara baa le ɗaa, kar Kirisi kara to to gə be ja tɔ.


Ngaa dəw gə um naa gə gə Mbayɓe nama njil-e kara um sə-a naa gə kara baa tɔ.


Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.


Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,


Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ