Jean 17:11 - Mbede Lə Luba Kone Gə Sigi

¹¹ Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Testament ke Siki 1960 (Kabba Laka)

¹¹ Ma méh nange nèn ang nga, a dèdè déh nange nèn. Mam ndé ròi té, Bòi ke madji toï, ngemdè ke ri, dèdè ke aremdè, baa dèdè da kase ta dé kadaba deo kadaba tokou djè sei djéh kadaba.

Jean 17:11 ပူးပေါင်းရင်းမြစ်များ

Matiye 10:16

Oje: M-ula-si to gə badəmje horo njagəmanjɛrje gə. Undaje kəm karə dɔ rɔ-si gə to to gə li be, ꞌkulje yururu to to gə dər kuul be.

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Matiye 6:9

Oje pa dəji Luba gə a dəji-je le ɓa nee: Bɔ-sijee gə isi mə dara gə, May kar ri-i to ɓədə gə losang-ɛ;

Jean 13:1

Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Jean 17:25

ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Jean 17:6

Dəwje tɔ̰y gə ꞌtɔr-je dɔ nangə gə nee um-je mə ji-m gə le m-kila dɔ ri-i gə ɗaga m-ar-je. ꞌTo gə nje kar-ije, ꞌI um-je mə ji-m gə, ɗaa ꞌngom tar lə-i tɔ.

Jean 7:33

Jeju pa na: M-ga̰ gə si ɓəəl ɓi ɗaa, m-a təl kaw rɔ njekula-m gə.

Koula 3:21

Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le.

Romaindjé 12:5

be ɓa sijee gə j-a bula le j-a to darɔ gə kara baa ɗəw gə lə Kirisi ngaɓa j-a to bar kəm rɔ naa gə yo gə nee.

Romaindjé 9:17

Mba mbede pa ar Parawo̰ na: M-o som ja ɓa m-un-i m-unda-i mba tɔji ne singamongə lə-m ngaɓa gə mba kar ri-m ta ne lo dɔ nangə nee tɔ̰y.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Ephésiendjé 4:4

Darɔ kara baa ɗəgədə ngaɓa Njil kara baa ɗəgədə, to gə sisəy kara, ꞌɓar-si ɗəw ne kunda mə gə kara baa ɗəgədə gə ngira-a ḭ gəl ɓar gə lə-si le ja tɔ.

Philippiendjé 2:9

Gəl-e gə nee ɓa, Luba gə to dəw dɔ rɔ-ɛ le, ula riɓar gə al dɔ lo dɔ-ɛ gə, ngaɓa ar-ɛ ri gə tɔy rije tɔ̰y,

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Jean 3:12

ɓo j-a ɗaje neɗa lə Ka̰yi gə to nje kar Njeməkṵra̰y gə tɔl ngon ko̰-ɛ ang. Ɗaa n-tɔl-ɛ mba ɗi ɓa wa? N-tɔl-ɛ mba kula ɗaje lə-a ꞌne gə kṵra̰y, ɗaa kar ngon ko̰-ɛ ɓa to gadə-gadə.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 15:4

Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.

Apocalypse 19:12

Kəm-e to to gə pər gə o̰ lam-lam be. Jɔgə mbay bula to dɔ-ɛ gə, ngaɓa ꞌɗa ri kara rɔ-ɛ gə, gə dəw kara kara gərə ang, ɗaa ꞌne ja baa.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.