Jean 16:5 - Mbede Lə Luba Kone Gə Sigi

⁵ Nga ɓisine ɗaa m-aw gə ɓə lə ye gə njekula-m le, ɗaa dəw kara kara horo-si gə dəji-m na m-aw gə ɗa wa kara be ang nəm.

Testament ke Siki 1960 (Kabba Laka)

⁵ Loshénè ma mao rò nè té ke noulam, doou kada horosè té a doudjoum ang, i ao ke da wa?

Jean 16:5 ပူးပေါင်းရင်းမြစ်များ

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 13:36

Simo Piyɛr dəji-e na: Mbayɓe, aw gə ɗa wa? Jeju ila-a kəne na: Lo gə m-aw gə kəne le ꞌI a kasə ndole go-m kəne ɓisine ang baa. Ngaa kuru lo a kəw ya̰ ɓa a ndole go-m ɓi.

Jean 14:28

Tar gə m-pa gə oje gə mbi-si gə m-pa na: M-aw mba təl ɗe kinga-si ɓi. To gə ɓo ꞌnjigi-mje nama a ɗaje rɔləl mba kaw gə m-aw gə rɔ Bɔ dəwje gə nee, mba Bɔ dəwje to ɓəəl ya̰ unda-m ꞌma ja ɓi.

Jean 16:10

ɔji dɔ neɗa gə dana gadə-gadə ɗaa m-aw gə rɔ Bɔy gə ɗaa a ko-mje ang saar;

Jean 16:16

Ɓəəl be cibi ɗaa a ko-mje ang magə; cibi ngaɓa ɓəəl be ɗaa a ko-mje.

Jean 16:17

Be ɓa ngan njenendoje gə kɛm ꞌpa tar gə naa horo-je gə na: Tar gə n-pa na: Ɓəəl cibi ɗaa a ko-mje ang magə; cibi ngaɓa ɓəəl ɗaa a ko-mje ngaɓa na: M-aw gə ɓə lə Bɔy. Tar gə nee le se, n-njigi pa na ɗi ngaa kən wa?

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 17:13

Ɓisine ɗaa, m-aw gə ɓə lə-i, ɗaa m-pa tar nee le m-ar-je dɔ nangə nee mba kar-je d-isi ne dan rɔləl gə lə-m dana badagə.

Jean 17:4

ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ.

Jean 6:62

Ngaa to gə ɓo sisəy oje Ngon lə dəw uba nangə ḭ aw lo gə ye ga̰ kəne kede le a paje na ɗi ngaa wa?

Jean 7:33

Jeju pa na: M-ga̰ gə si ɓəəl ɓi ɗaa, m-a təl kaw rɔ njekula-m gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.