Jean 16:33 - Mbede Lə Luba Kone Gə Sigi

³³ M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Testament ke Siki 1960 (Kabba Laka)

³³ Ma mpa tar nèn maresè, baa sésè asidjé kinga mè woul mem té. Sésè éhdjé ke né ongou ke nange nèn, a isidjé dèkèkè, mam ndai nange nèn ke singa mbä.

Jean 16:33 ပူးပေါင်းရင်းမြစ်များ

Matiye 9:2

D-un dəw kara gə rɔ-ɛ uy wɔ gə tuwa baa ꞌɗe sə-a no-ɛ gə. Logə Jeju o takagə lə-je, ɗaa pa ar dəw gə rɔ-ɛ uy le na: Ngon-m, unda singa-i dɔ mar-ɛ gə, tar neɗaje gə kṵra̰y ɔr dɔ-i gə.

Lugu 19:38

ꞌPa na: Ndu tɔr to dɔ mbay, dəw gə ɗe gə ri Mbayɓe! Ɗɛgɛgɛ to mə dara gə, Ngaɓa, rɔnduba to sam dara gə.

Lugu 2:14

Riɓar to dɔ Luba gə mə sam dara gə taar, Ɗɛgɛgɛ to dɔ nangə nee, horo dəwje gə ꞌta kəm-e!

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Jean 14:1

Ar-je mə-si ila kasə dɛləm ang. ꞌTaje kagə Luba ngaɓa ꞌtaje kagə-m ꞌma nəm tɔ.

Jean 14:27

M-ḭya̰ ɗɛgɛgɛ m-ar-si, m-ar-si ɗɛgɛgɛ lə-m. ꞌMa m-ar-si to gə dəwje gə dɔ nangə gə nee d-ar-si ang. Ar-je mə-si ila kasə dɛləm ang ngaɓa ꞌɓəəl-je ang tɔ.

Jean 16:11

ɔji dɔ gangə tar ɗaa ngon mbay gə dɔ nangə gə nee le, ꞌgangə tar dɔ-ɛ gə ngaa.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 23:11

Mə cil gə njekore go-e gə ɗaa, Mbayɓe ce dɔ Pɔl gə, pa na: Uwa jingaw mə-i gə, mba ɗəw kara baa to gə ꞌɗa ne tar naji lə-m Jerujalɛm le, a ɗa to to gə be ja tɔ a mə ɓe gə Rɔm gə.

Koula 27:22

Ɓisine ɗaa m-ndəji-si mba kar uwaje gədərə mba dəw kara ja a kinga tuji horo-si ang ngaa to le ja baa ɓa a tuji.

Koula 27:25

Gəl-e gə nee ɓa, njekuraje lə-m, uwaje jingaw mə-si gə, mba m-unda mə-m dɔ Luba gə to gə a ɗa to to gə n-pa ne n-ar-m ja.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

2 Corinthiendjé 1:3

May kar ndu tɔr to kar Luba, gə Bɔ Mbayɓe lə-si Jeju Kirisi gə to Luba gə njeməmay gə njekuul mə dəwje.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

2 Corinthiendjé 4:7

Ngaa nebaw gə nee le, sijee j-odo darɔ-si gə to jo anji gə mba kar singamongə gə asə kuwa kɔji ne mar-ɛ ang nee le to ne kar Luba ɓo to singamongə lə-sijee ang baa.

2 Corinthiendjé 6:4

Ngaa sijee ja tɔji rɔ-si mə neje tɔ̰y to gə ngan njekulaje lə Luba ɗəw kuwa gədərə gə dan neməko̰je gə, dan nekəmandoo gə, dan neje mongə si kang, dan neje gə ar mə-si gangə man,

2 Corinthiendjé 7:4

M-ḭya̰ mə-m yag m-ar-si, rɔ-m ndɔɔ ya̰ dɔ si gə, mə-m oso nangə pɔ̰, rɔləl ɗusu mə-m dan ꞌməsərəje gə j-o gə.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Philippiendjé 4:7

Be ɓa ɗɛgɛgɛ lə Luba gə nday kəjije tɔ̰y le, a ngom mə-si gə kəjije lə-si dɔ Kirisi Jeju gə.

Colossiendjé 1:20

ngaɓa mba n-gɔl neje tɔ̰y n-ar um sə-a ꞌne ja naa gə, neje gə dɔ nangə nee gə neje gə mə dara gə, kar ɗɛgɛgɛ ɗe ne ɗəw gə lə-a gə ɗəw məs-e gə kagə dəsə gə.

1 Thessaloniciendjé 3:4

Logə gə j-aw ne ɓe lə-si le, j-a pa j-ar-si kede nam to gə neməko̰je a ce dɔ sijee gə ɗaa neje le ɗe ja tɔ, sisəy kara ꞌgərəje ja.

1 Thessaloniciendjé 3:7

Ngan ko̰-mje, be ɓa dan ne ur tije gə tɔ̰y gə dan neməko̰je gə j-isi kəne le, mbɔr dɔ kuwa gədərə lə-sisəy ɓa sijee j-inga ne singa.

2 Thessaloniciendjé 3:16

May kar Mbayɓe ja gə nje gəl ɗɛgɛgɛ ar-si ɗɛgɛgɛ lə-a gə ndɔje kara-kara tɔ̰y, gə ɗəwje dang-dang. May kar Mbayɓe nay gə si tɔ̰y.

2 Timoce 3:12

Be ɓa dəwje tɔ̰y gə njigi kila kuji dɔ ne gə lə Luba gə mba kaw ne kəm baa gə Kirisi Jeju le d-a kula kəm-je ndoo.

Ebərəje 11:25

mba n-njigi kar d-ula kəm-e ndoo naa gə gə dəwje lə Luba, may unda ɗa rɔləl gə kur-e a kəw ang gə to kar neɗa gə kṵra̰y.

Ebərəje 7:2

ꞌNe nee le ɓa neje tɔ̰y nama, Abəraham tura dɔg ɗaa un dɔ-ɛ kara kara ar-ɛ ar-ɛ. D-ɔr gəl ri Mɛləkisedɛk na mbay dɔ gə gadə-gadə, cibi ɓa n-to mbay dɔ gə Salɛm, gə kɔr m-e na mbay dɔ gə nje ɗɛgɛgɛ.

1 Piyɛr 5:9

Arje gədərə no-ɛ gə, uwaje takagə gədərə, mba ꞌgərəje to gə ngan ko̰-si gə dɔ nangə nee d-o ꞌməsərə ɗəw kara baa to gə be tɔ.

1 Jean 2:13

M-ɗa mbede m-ar-si, bɔ nganje, mba ꞌgərəje dəw gə isi lo kuma kudu neje gə kede ləw baa. M-ɗa mbede m-ar-sisəy, basa̰je, mba ꞌcɛdəje ɗɔ njeməndul nam. M-ɗa mbede m-ar-si, ngan-m, mba ꞌgərəje Bɔ dəwje.

1 Jean 4:4

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

1 Jean 5:4

mba dəw ja gə Luba uji-e le cɛdə ɗɔ dɔ nangə, oje cɛdə ɗɔ dɔ nangə nee le to takagə lə-si.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.