Jean 16:30 - Mbede Lə Luba Kone Gə Sigi

³⁰ ɓisine ɗaa ja gərə to gə ꞌI le, ꞌgərə neje tɔ̰y ɗaa aw ndoo mba kar dəw kara dəji tar ang. Be ɓa, ja ta kag-i to gə ḭ rɔ Luba gə.

Testament ke Siki 1960 (Kabba Laka)

³⁰ Loshénè djèdjè ngeré i geré né toï, i ase ta kare doou kada doudji ang. Mbata tar nèn djèdjè djo mèdjè té ke i ï rò Allah té.

Jean 16:30 ပူးပေါင်းရင်းမြစ်များ

Jean 16:17

Be ɓa ngan njenendoje gə kɛm ꞌpa tar gə naa horo-je gə na: Tar gə n-pa na: Ɓəəl cibi ɗaa a ko-mje ang magə; cibi ngaɓa ɓəəl ɗaa a ko-mje ngaɓa na: M-aw gə ɓə lə Bɔy. Tar gə nee le se, n-njigi pa na ɗi ngaa kən wa?

Jean 16:23

Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Jean 16:26

Ndɔ-ɛ gə əng le a dəjije Bɔ dəwje gə ri-m ngaa, ɗaa m-pa m-ar-si to gə ꞌma ɓa m-a dəji Bɔ dəwje mba tar lə-si ang,

Jean 16:31

Jeju ila-je kəne na: ꞌTaje kagə-m ɓisine ngaa wa?

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 2:11

Ye gə nee ɓa to gə kun kudu netɔjije gə Jeju ɗa mə ɓe gə Kana, dɔ nangə gə Galile. Jeju tɔji rɔnduba lə-a gə ɗaga, ɗaa ngan njenendoje lə-a ꞌta ne kag-ɛ.

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Jean 5:20

Mba Bɔ Ngon-je njigi Ngon ɗaa tɔj-ɛ neje tɔ̰y gə ye ja gə darɔ-ɛ kara ɗa tɔ; n-a tɔj-ɛ kula ɗaje gə to ɓəəl ya̰ ja ɓi mba kar-sisəy le lo tar igi ne si sɛl.

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.