Jean 16:20 - Mbede Lə Luba Kone Gə Sigi

²⁰ Tar gə tɔgərɔ ja m-pa m-ar-si, a suumje ngaɓa a noje rɔ-si, ngaa dɔ nangə ɗaa a ɗa rɔləl; kəm-si a ɗa ndoo, ngaa kəm ndoo lə-si a təl to gə rɔləl.

Testament ke Siki 1960 (Kabba Laka)

²⁰ Tokoro, tokoro, ma mpa maresè, sésè a nòidjé ke sésè a nòidjé ke ongou ke tarr, a dooudjé ke nange nèn a koukou. Ongou a dasè, a ongou losè nèn a tél rònèl.

Jean 16:20 ပူးပေါင်းရင်းမြစ်များ

Matiye 21:38

Ngaa logə njeɗa kula bḭyə̰je d-o ngon njigi le ɗaa, ꞌpa tar horo naa gə na: Nje kuwa nenduba le ja aw ɗe a aw, ꞌɗeje ar-si j-uwaje j-a tɔl-ɛje ɗaa nenduba lə-a le a to kar-si.

Matiye 5:4

Nokarə to kar njenoje, Mba Luba a bɔrə man kəm-je gə!

Marəke 14:72

Gə ngɔdə baa kura̰ ila mbərə gə gɔl joo lə-a, ɗaa mə Piyɛr ole dɔ tar gə Jeju pa kede ar-ɛ na: Nam ɓa kar kura̰ ila mbərə gɔl joo ɗaa, a ma̰y tar gɔl munda na ꞌgərə-m ang. Be ɓa Piyɛr oso dɔ no gə no.

Marəke 16:10

Ɗaa Məri le ɔdə aw pa tar-ɛ ar nje gə ꞌga̰ sə-a kede gə d-unda yo ngaɓa d-aw no.

Lugu 22:45

Logə n-uba nangə n-ḭ lo dəji Luba gə ɗaa, n-aw dɔ-ɛ gə ɓə lə ngan njenendoje lə-a, ɗaa n-inga-je dɔ ɓi gə mbalang mba mə kila kasə unda-je ila-je mbarag.

Lugu 22:62

Be ɓa, n-ɔsə lo n-ce ɗaga ngaɓa n-no ɓəgəgə-ɓəgəgə.

Lugu 23:27

Dəwje ꞌbula d-uwa go-e yug-yug, jeneje gə kɛm horo-je gə ꞌkunda kar-je rib-rib ꞌno ne rɔ-je ɔji dɔ-ɛ.

Lugu 24:17

N-pa n-ar-je na: Tar ɗi ɓa ꞌma̰yje naa aw nja-je ne wa? Be ɓa ꞌtəl d-ar nangə, ꞌɗa rɔ-je gə ndoo.

Lugu 24:21

Ɗaa sijee, j-unda mə-si to gə ꞌne ɓa n-to gə dəw gə n-a ta dɔ ngan Ijirayɛlje. Ngaa ne gə unda neje tɔ̰y, ɗa ndɔ gə njekum gə munda ngaa ɓogəne a neje nee le nday.

Lugu 6:21

Nokarə to kar-sisəy gə ɓo ɔr-si ɓisine, mba Luba a kar mə-si a ti! Nokarə to kar-sisəy gə ꞌnoje ɓisine, mba Luba a kar-si isije dan rɔləl gə!

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Jean 16:6

Ngaa mba m-pa tar nee le be m-ar-si ɗaa kəm-si ɗa ndoo ya̰.

Jean 20:20

Logə n-pa to gə be n-ar-je ɗaa, n-tɔji-je ji-a gə mbo kar-ɛ. Be ɓa, ngan njenendoje ꞌɗa rɔləl mba ko gə d-o Mbayɓe.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

Romaindjé 5:11

Cibi ɓa, sijee j-uwa Luba j-ɔsə ne rɔ-si ɗəw gə lə Mbayɓe lə-sijee Jeju Kirisi, gə mbɔr dɔ-ɛ ɓa j-um ne naa gə gə Luba.

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

1 Thessaloniciendjé 1:6

Sisəy ꞌndəjije kəm sijee gə kəm Mbayɓe ɗaa, dan neməko̰je gə bula ja ꞌtaje Tar lə Luba gə rɔləl lə Njil Njerɔsangə.

Jacques 1:2

Ngan ko̰-mje, oje nenaje ɓədə-ɓədə gə ce dɔ-si gə le gə ne rɔləl

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 11:10

Dəwje gə dɔ nangə gə nee ꞌɗa rɔləl ɔji dɔ-je, d-a ɗa ndam gə d-a kula gə nekura kar naa yo gə nee, mba pajambərəje gə joo le, d-ula kəm nje gə dɔ nangə gə nee ndoo ya̰.

Apocalypse 18:7

Ɗəw kara baa to gə ləl-e ya̰ kar n-isi dan riɓar gə, gə dan nemayje gə le, be ja tɔ ꞌtəlje gə kula kəm ndoo gə kəm ndoo yo gugu ar-eje. Mba n-əji m-e gə na: M-to mbay jene ɓo m-to gə jene nduba ang nəm, ngaɓa ndɔ kara baa be kara kəm ndoo yo a ɓar ri-m ang nəm tɔ,